44. _Vxor._ Lord, I were at ese, and hertely full hoylle, Might I onys haue a measse of wedows coyll; For thi saull, without lese, shuld I dele penny doyll, 390 So wold mo, no frese, that I se on this sole Of wifis that ar here, For the life that thay leyd, Wold thare husbandis were dede, For, as euer ete I brede, 395 So wold I oure syre were. 45. _Noe._ Yee men that has wifis, whyls they ar yong, If ye luf youre lifis, chastice thare tong: Me thynk my hert ryfis, both levyr and long, To se sich stryfis wedmen emong. 400 Bot I, As haue I blys, Shall chastyse this. _Vxor._ Yit may ye mys, Nicholl Nedy! 405 46. _Noe._ I shall make þe still as stone, begynnar of blunder! I shall bete the bak and bone, and breke all in sonder. [_They fight._] _Vxor._ Out, alas, I am gone! Oute apon the, mans wonder! _Noe._ Se how she can grone, and I lig vnder; Bot, wife, 410 In this hast let vs ho, For my bak is nere in two. _Vxor._ And I am bet so blo That I may not thryfe. [_They enter the Ark._] 47. _Primus filius._ A! whi fare ye thus, fader and moder both? 415 _Secundus filius._ Ye shuld not be so spitus, standyng in sich a woth. _Tercius filius._ Thise <floodis> ar so hidus, with many a cold coth. _Noe._ We will do as ye bid vs, we will no more be wroth, Dere barnes! Now to the helme will I hent, 420 And to my ship tent. _Vxor._ I se on the firmament, Me thynk, the seven starnes. 48. _Noe._ This is a grete flood, wife, take hede. _Vxor._ So me thoght, as I stode; we ar in grete drede; 425 Thise wawghes ar so wode. _Noe._ Help, God, in this nede! As Thou art stereman good, and best, as I rede, Of all; Thou rewle vs in this rase, As Thou me behete hase. 430 _Vxor._ This is a perlous case. Help, God, when we call!