[680] "Potentes, per circuitum late vastando, milites ex rapinâ conducunt; villas comburunt: captivos de longe ducentes miserabiliter tractabant; pios alligabant in compedibus et nobiles in manicis ferreis" (_Historia Eliensis_, p. 623). [681] "Furit itaque rabies vesana. Invicta lætatur malitia: non sexui non parcunt ætati. Mille mortis species inferunt, ut ab afflictis pecuniam excutiant: fit clamor dirus plangentium: inhorruit luctus ubique mærentium; et constat fuisse completum quod nunciatur in Apocalypsi Joannis: 'quærent homines mori et fugiet mors ab eis'" (_ibid._). [682] "Sed verum est quod vulgariter dicitur: 'Ubi dolor maximus ibi proxima consolatio'" (_Chron. Ram._, p. 331). [683] "Herba viridissima emarcuit, ut eo surgente quasi præmortua videretur, nec toto fere anno viridatis suæ vires recuperavit. Unde datur intelligi quam detestandum sit consortium excommunicatorum" (_Gervase_, i. p. 128). [684] "Accessit paulo post cum exercitu suo ad quoddam castellum expugnandum quod apud Burewelle de novo fuerat constructum, et quum elevata casside illud circuiret ut infirmiorem ejus partem eligeret ad expugnandum, ... quidam vilissimus sagittarius ex hiis qui intra castellum erant capiti ipsius comitis lethale vulnus impressit" (_Chron. Ram._, 331, 332). "Hic, cum ... in obsidione supradicti castelli de Burwelle in scuto et lancea contra adversarios viriliter decertasset, ob nimium calorem cassidem deposuit, et loricæ ventilabrum solvit, sicque nudato capite intrepidus militavit. Æstus quippe erat. Quem cum vidisset quispiam de castello, et adversarium agnosceret, telo gracili quod ganea dicitur eum jam cominus positum petiit, que testam capitis ipsius male nudati perforavit" (_Gervase_, i. 128). "Dum nimis audax, nimisque prudentiæ suæ innitens regiæ virtutis castella frequentius circumstreperet, ab ipsis tandem regalibus circumventus prosternitur" (_Gesta_, p. 106). "Post hujusmodi tandem excessibus aliisque multis his similibus publicam anathematis non immerito incurrit sententiam, in qua apud quoddam oppidulum in Burwella lethaliter in capite vulneratus est" (_Mon. Ang._, iv. 142). "Inter acies suorum confertas, a quodam pedite vilissimo solus sagitta percussus est. Et ipse, vulnus ridens, post dies tamen ex ipso vulnere excommunicatus occubuit" (_Hen. Hunt._, 276). [685] "In quodam prædio consisteret quod ... ad Ramesense monasterium pertinebat, et pertinet usque in hodiernum diem.... Quod iccirco in fundo beati Benedicti factum fuisse creditur ut omnes intelligere possent quod Deus ultionum dominus hoc fecerat in odium et vindictam injuriarum quas monasterio beati Benedicti sacrilegus comes intulerat" (_Chron. Ram._, p. 331).