"M. Imperatrix H. Regis filia et Anglor[um] domina Archiepiscopis Episcopis Abbatibus Comitibus Baronibus Justic[iariis] vicecomitibus ministris et omnibus fidelibus suis francis et Anglis tocius Angliæ salutem. Sciatis me dedisse et reddidisse Willelmo de Bellocampo hereditario jure Castellum de Wigorn[ia] cum mota sibi et heredibus suis ad tenendum de me in capite et heredibus meis. Dedi ei et reddidi vicecomitatum Wigorn[ie] et forestas cum omnibus appendiciis suis in feodo et hereditarie per eandem firmam quam pater eius Walterus de Bellocampo inde reddebat. Et de hoc devenit ipse Willelmus meus ligius homo contra omnes mortales et nominatim contra Gualerann[um] Comitem de Mellent et ita quod nec ipse Comes Gualeran[us] nec aliquis alius de hiis predictis mecum finem faciet quin semper ipse Willelmus de me in capite teneat nisi ipse bona voluntate et gratuita concessione de predicto Comite tenere voluerit. Et præter hoc dedi ei et reddidi castellum et honorem de Tamword ad tenend[um] ita bene et in pace et quiete et plenarie et honorifice et libere sicut unquam melius et quietius et plenarius et honorificentius et liberius Robertus Dispensator frater Ursonis de Abbetot ipsum castellum et honorem tenuerit. Et eciam dedi ei et reddidi Manerium de Cokeford cum omnibus appendiciis suis ut rectum suum sine placito. Et cum hoc dedi ei et reddidi Westonam et Luffenham in Roteland cum omnibus appendiciis suis ut rectum suum similiter sine placito. Dedi eciam ei et concessi de cremento lx libratas terræ de perquisitione Angl' pro servicio suo. Et iterum dedi ei et reddidi conestabulatum quem Urso de Abetot tenuit et dispensam ita hereditarie sicut Walterus pater ejus eam de patre meo H. Rege tenuit. Et item dedi ei et concessi terras et hereditates suorum proximorum parentum qui contra me fuerint in Werra mea et mecum finem facere non poterunt nisi de sua parentela propinquiore michi in ipsa Werra servierit. Quare volo et firmiter precipio quod de me et de quocunque teneat bene et honorifice in pace et hereditarie et libere et quiete teneat ipse Willelmus et heres suus post eum in bosco in plano in pratis et pasturis in forestis et fugaciis in percursibus et exitibus in aquis et molendinis in vivariis et piscariis in stagnis et mariscis et salinis et viis et semitis in foris et in feriis infra burgum et extra in civitate et extra et in omnibus locis cum saca et soka et toll et team et Infangenthef et cum omnibus consuetudinibus et libertatibus et quietudinibus T[estibus] Ep'o Bern[ardo] de S'cto D., et Nigello Ep'o de Ely, et Rob[erto] Com[ite] Gloec[estrie] et Milon[e] Com[ite] He[re]ford et Brienc[io] fil[io] Com[itis] et Unfr[ido] de Buh[un] et Joh[ann]e fil[io] Gilleb[erti] et Walkel[ino] Maminot et Milon[e] de Belloc[ampo] et Gaufr[edo] de Walt[er]vyll[a] et Steph[ano] de Belloc[ampo] et Rob[er]to de Colevill et Isnardo park[?ario] Gaufr[edo] de Abbetot Gilleb[erto] Arch' Nich[olao] fil[io] Isnardi.