ŋaragedūli miēdūl wībil ginyi; ŋumba boiyoi wune; kamil miedul murruba ginyi; murru ginyi wibil, ŋullimun balūni. buba yanani immanuel ŋummillego; gir ŋummi; goe, “inda barai taiyanuŋa, murruba gimbildi ŋai miedul. ŋai miedul burul wibil ŋullimun baluni; inda taiyanuŋa ŋai kūndigo.” immanuel goe, “ŋulle yanoai kundigo.” ila yanani bular kundigo. ŋumba duri, yugillona, goe “ŋii! ŋii! ŋai miedul baluni.” burula īnar yugillona goe “ŋii! miedul baluni.” immanuel goe “kurria yūŋa. kamil miedul baluni; yeal babillona.” burulabu gindami; ŋārma gīr balundai wīnuŋi. immanuel murra kawāni miedul, goe, “miēdūl waria.” īla miedul moron ginyi, warine, gurre goe. ŋumba, buba ellibu, burul guiye. ŋarageduli bular giwir mūga ŋuddelona turrubulda immanuel aro yanani; bular muga wīnuŋi. kākūldone, “immanuel, dūrunmi, wurume, dāvidu ŋummilla! ŋurrāga ŋeane.” burula giwir goe “kurria! kurria ŋindai kakūllego.” giwir muga yealo kakuldone “durunmi, wurume davidu, ŋummilla! ŋurraga ŋeane.” [Illustration: immanuel gīr bular muga murruba gimobi.] ila immanuel warine, goe “minna ŋindai goalle? minna ŋaia murramulle?” ŋarma goe, “durunmi, wuna ŋeane ŋummildai.” ila immanuel ŋarma mil tāmūlda: baianbu ŋarma murru ŋummillego. burula kagil giwir immanuel kunmulta. ŋarma kaogo bindēa yulalle. ŋarma gir tulu wīmi, ŋaragedul tulu ŋanbīr wimi: ŋarma gir immanuel wimi; murra biru‐dūni, dinna biru‐dūni; tului wirri. ŋarma tulu tiome, immanuel tului pindelundai. yerāla immanuel baluni. yerala giwir pilari turrur duni; gue dulirri. bullului ŋarma gir immanuel taonda wimi, kundawi. immanuel ŋūru bābine balūn taonda; yealo malo babine balun taonda; yealo ŋaragedul ŋuru babine balun taonda: ŋaragedul ŋuruko moron ginyi, warine. [Illustration: immanuel baluni.] yerala gūnagullago yanani. yeladu immanuel gunagullada ŋuddela: ŋerma kanuŋo ŋummilda, kanuŋo wīnuŋulda. murruba immanuel; kamil ŋaragedul murruba yealokwai ŋerma. yerala immanuel yealo taongo taiyanille; ŋeane kanuŋo ŋummille. immanuel kaia goalle; ila kanuŋo balun, giwir, inar, kaiŋal, kanuŋo moron gigi. immanuel goalle “minna inda gimobi? minna inda gimboi? inda murruba gimobi? inda ŋununda taiyanuŋa gunagullago. inda kagil gimobi? inda biru yanuŋa, urribū yanuŋa.” giru ŋinda kagil ginyi; inda warawara yanani; giru baiame yili ginyi. baiame yalwuŋa murruba; ŋeane kanuŋo warawara yanani. wīnungulla: kamil ŋaia yal goalda; giru ŋaia goalda. immanuel ŋirribatai yarine, gūnagulladi taongo. kanuŋo giwir kagil ginyi: immanuel ŋandil murruba; immanuel baluni, giwir moron gigigo. Yeladu baiame goalda; “ŋindai, kanuŋo giwir, kurria kagil gigle, berūdi warraia; ŋeane murru ŋurrile. kamil ŋaia yili gigla. murruba immanuel baluni.” yeladu immanuel goalda: “taiyanuŋa ŋununda kanuŋo ŋindai iŋgil, īla ŋaia ŋindai tubbiamulle.” inda taiyanuŋa immanuelgo.