_kothé_ (there) as “coat-hay.” _le_ (take) as “lay.” _meklé_ (they allowed) as “make-lay.” _per_ (belly) as “pair.” _ye_ (even) as “yea.” The acute accents indicate the stressed syllables and do not alter the quality of the vowels. They were not marked in the original, and are added here merely to assist readers and not as an accurate record of the coppersmiths’ method of accentuation. O DÍLO HAI LÉSKE DÚI PHRALÁ. SAS trin phral; dúi sa godiáver, thai yek dílo. Thai muló léngo dad. Thai phendiá léngo dad: “Zha per talé.” Káno vo meréla, te avél sáko phral kothé léste. Hai phendiá o phral o báro: “Zha tu, phrála dilíya, k’ amáro dad.” Liá o phral o dílo yek kash (bórta), hai thodéla po dúmo, hai geló ka pésko dad. Hai ushtiló lésko dad, hai diá les yek bal kálo. Káno vo tshinól les, ənklél ándo kódo bal yek gras kálo. Hai phendiá o əmperáto, kon khodéla ka léski rákli ándo kher, ənkəsto, kodoléske déla. Thai phendiá o phral o báro: “Háide! phrála, te dikás kon khutéla ka i rákli.” Thai phendiás o dílo: “Meg me, phrále, te dikáu ye me kothé.” Hai mardé lə lésko phral; tshi meklé les. Thai liné le dúi phral le grastén, hai gelé-tar. Hai liás o phral o dílo o bal, hai kerdiló léske yek gras ándo bal, hai geló-tar. Aresliá péske do phralén, aresló palál; hai pushlé les: “Kon tu san, manushá?” Vo si mánush depel-méshti (vityáz). Hai mardé le zoralés péske phralén; hai geló-tar ka i rákli. Hai hukló ándo kher ka i rákli. Hai liás la rakliá péske; hai tshumidá les lésko sókro, le dilés. Hai tradéla léskro sókro péske dúi zhamutrén (godiáver zhamutré) te mudarén tshirikliá. Hai aviló-tar o dílo ka pésko sókro əmperáto, thai phendiá o dílo te del les púshka te mudarél ye vo tshirikliá. Hai la o dílo phagliás e púshka, hai geló-tar péske dúye shogorénsa. Vo sas o tríto. Hai pirdé léske shogoré so (? kai) rodiás, hai tshi mudardé kántshi tshirikliá. Hai o dílo mudardiás le kashtésa but tshirikliá bi-pushkáko. Hai avilé léske shogoré, hai diklé le tshiriklián; hai den pe dúma: “O dílo mudardiás but tshirikliá, hai amé tshi mudardiám kantsh.” Hai mangén le tshiriklián kátar o dílo, te del le lénge. Hai phendiá o dílo: “Kána la te shináv tumáro práshhau (per) le shuriása, atúntshi dav túme le tshirikliá, hai phenáu k’ o əmperáto ke túme mudardián le tshirikliá.” Hai kána shindiá o práshau léngo, hai del lénge i tshirikliá, hai gelé-tar kheré. Hai dikliás əmperáto le but tshiriklé, hai lovodíl pésko do zhamutrén. Hai pushél le dilés: “Tu tshi mu(da)rdán kantsh?” Hai phenél o dílo le əmperatóske: “Me kudalá tshirikliá me mudardém le. Tu man tshi patshiás? Me shindém le shuriása léngo práshau, tha dem lénge le tshirikliá.” Hai vasdás əmperáto léngo gad, hai dikliá léngo práshau. E tshiriklí si but láshi. Hai phendiás əmperáto ke léske zhamutré: “Díle mánush! sóste von meklé te shindiás léngro práshau? Thai ma nai kantsh. THE FOOL AND HIS TWO BROTHERS.