Neq^e abitus neq^e conductus literas habere; et nisi in hunc Ramsö forte incidisset, ex Suecia discedendi potestatem sibi denegatam fuisse; Spatio 4 annorum, tribus mensibus exceptis, nihil stipendii se accepisse. Capitaneum suum nunc in Suecia prope Boosund commorari; Se tres septimanas solummodo in Suecia substitisse; Nicopingi verò Capitaneum suum liquisse: Et quamvis commeatum petiisset, nihil tamen, nisi, abeas, abeas, se ab eo oretenus obtinuisse. A Duce Gustavo, illum petere, minime ausum fuisse: Capitaneum suum, officia sua, Suecis ulterius promisisse: sex prætereà Capitaneos, natione Scotos, ibidem adhuc inservire: Dominum de la Barre, circa 500 Equites Suecos ducere; limites defendere; nullum alias peregrinum superesse militem. Sex cohortes, 600 Equitum numero, ex Livoniâ proximo vere exspectari. Se audivisse, quòd in Suecia, ne unica quidem Germani militis cohors, integra sit. De conscribendo externo milite, nihil sibi constare, nisi de eo postquam comitia finem habuerint, quidpiam inaudiri possit. Gustavum specioso illo verbo, accipietis, accipietis, creditores æra residua exigentes, prensare et pascere. Nullas se habere literas, præter unas Mercatoris, cujusdam, et schedulam cambii, 150 Thalerorum, ad civem quendam Lubecensem, Hermannum Scheflerum; prædictam schedulam Rostochium mittendam. De salvi conductus Stuardi literis, nihil sibi constare. Stuardum verò præter victum nihil accepisse; ibidem hiemem consumpturum. Non esse legatum, Stuardum: Rusticos quidem ita eum nuncupare: primò ibidem à se visum. Suecos maximâ consternatione percitos; destitui militibus; post comitia, huc legatos missum iri; Regem Carolum, à populo devoveri; Naves prope Stockholmiam, non nautis, sed Rustica plebe, regi; Pane et halece, vulgò Strömling, victitare: In Muscovia etiam milites fame perire. Suecum non habiturum peregrinum, siquidem optimus hisce in oris jam adsit, militem. Alterum illum Locum-tenentem, qui nunc Hafniæ, præterita æstate in Suecia, antea verò in Livonia militasse; ab hisce aliena non relaturum. Quod hæc omnia, ut supra consignata sunt, ita interrogaverimus, et responsiones ad interrogata factas, præsentes audiverimus, manuum nostrarum subscriptione et sigillis testamur. Actum Friderichsburgi, 19 die Decembris 1611. GEORGIUS LUNG, Sacr^æ Reg^æ M^{tis} Daniæ, etc., in Orum præfectus, et summus Dux. JOACHIMUS BULOW, Sacr^æ R^æ Ma^{tis} Daniæ, etc., in Friderichsburg præfectus, Equitum magister. THOBIAS LAUTERBRAOS, Sacr^æ Reg^æ Ma^{tis} Daniæ, etc., exteraram nationum Cancellariæ Secretarius. _Translation of the foregoing._