"Aboot the hill-folk," said the old man who had first spoken, drinking his ale and turning up the measure to see that no more was left, "did ye ever hear o’ my son Francie and what happened to him when he gaed awa to Moffat wi’ ’oo’? He gaed ower by Traquair and keepit the road till he got to Moffat, for he had a horse that wasna ower sure o’ its feet on the hills. But when he had it a’ sellt, whae does he meet in wi’ but Wull Hislop the travelling packman, whae’s sair needing a beast. So Francie sells him his horse and comes aff hame walking ower the muirs. He gaed up Moffat Water and ower the muckle hill they ca’ Corriefragauns, and got on nane sae bad till he cam to the awfu’ craigs abune Loch Skene. He was walking briskly, thinking o’ hame and the siller in his pouch and how he wad win to Peebles that nicht, when he saw afore him the awfu’est sicht that ever he had seen. It was a man o’ maybe the same heicht as himsel, wi’ a heid of red hair, and nae claes to speak o’, but just a kind o’ clout about his middle. He began to speak in an outlandish voice and Francie kenned at yince that he maun be yin o’ thae Hieland deevils brocht doun to hunt up the Whigs. He was for Francie’s money, and he oot wi’ a big knife and flashed it up and doun. But this was no to Francie’s liking. ’Put that doun, ye ill-looking deevil,’ says he, ’ye’ll find I’m nane o’ your hill-folk, but an honest man frae Peebles wi’ a nieve as hard as your heid’s saft, and if ye dinna let me by, I’ll put ye in the loch as sure as my name’s Francie Trummle.’ The body understood him brawly, and wi’ a grunt slunk aff among the heather, and Francie had nae mair bother wi’ him. But O! it’s an awfu’ thing to think o’ men o’ your ain blood hunted and killed wi’ thae foreign craturs. It maks me half-mindit to turn Whig mysel." "Dinna fash yoursel, Maister Trummle," said a younger man, a farmer by his looks, "ye’re better bidin’ in peace and quiet at hame. The Lord never meant folk to gang among hills and peat-bogs, unless after sheep. It’s clean against the order o’ things. But there’s yae thing that reconciles me to this Whig-hunting. They’re maistly wast-country folk, and wast-country folk are an ill lot, aye shoving their nebs where they’re no want it. There’s no mony Whigs in Tweeddale. Na, na, they’re ower canny." Master Turnbull made as if he would have answered, when a clatter of feet was heard in the passage, and the door opened. Two men entered, one a great swarthy fellow well known for his poaching escapades when the salmon came up the water, and the other, Peter Crustcrackit the tailor. They did not enter in company, for Peter swaggered in with as gallant an air as two bent legs and a small body could permit, while the other slunk in with a half-apologetic look, glancing keenly round to see who were the other occupants of the room.