Worshipfull sir we receyved your lettres writen at Sydyngborn the viijth day of the present month of Maij by the whiche we understande that it is comyn unto youre knoulege that if ye and youre ffeleaship wt the which ye be accompanyed shulde come unto the Citee of London like as ye write ye entende to doo that thanne ye wolde rifell and dispoile the saide citee ye desire us by the saide lettre that we shulde yeve no credence to noon suche surmyse seiyng and takyng recorde of god that ye never entended so to doo. Prayng us to suffre you and youre saide ffeleaship to passe through the saide Citee of London uppon youre journey to perfourme and execute suche thinges as in your saide lettres ben more largely expressed. Sir we lette you witte that whanne the kgng kyng Edward þe fourth oure soveraigne lord after his grete victorye hadde uppon Ester day last passed beside Barnet daparted oute of the saide Citee of London. He charged and commaunded us upon oure aligeaunce that we shulde kepe the same saffely and suerly to his beof and use not suffryng any persone what degree or condicioun or estate whereof gaderyng or makyng assembles of any people contrary to his lawes wt oute auctorite of his high commaundement to entre therin ffor the whiche cause and many oþer we ne darre may ne wille suffree you to passe through the same Citee, lettyng you witte for certayne that we understand that if ye and youre saide feleaship shulde come and entre in to the same that youre saide feleaship wolde beof like condicioun as other of like disposicioun have bene in tyme passed as by sondry precedentis it appereth unto us right largely. And it shulde not lye in youre power to lette your saide feleaship frome dispoilage and robery. Wherefore we advertise you for that love and service that we afore tyme have ought unto that noble knyght youre ffader[849] and oure goode lorde whose steppes we wolde that ye shulde folowe and for verrey favour that we have born and bere unto you for the goode disposicioun and vertue that in tyme passed we have knouen to be in you that ye spare and absteyne you self from suche unlawfull gaderyng & asumbleng of people the whiche if ye soo doo we doubte not but it shal not onely be unto you grete honour and worship but also to youre prevaile and cause the kyng the rather to be youre goode and graciouse lorde. Moreover Sir we have receyved a proclamacioun sent from you in the whiche amonge oþer articles we understand that ye by the commaundement of Henry late kyng of this Reaume Margarete late quene and Edward late called Prynce by thavise of the Erle of Warwyk whom ye suppose to be alyve[850] as we ben enfourmed and oþer ye be ordeigned Captayne of the Navye of Englond and men of warre both by þe See and by lande. Right worshipfull Sir we mervaile gretely that ye beyng a man of soo grete wisdame and discrecioun shulde be disceyved by simple seynges and fayned tales we certifie you upon oure worshippes and trouthes that