'I ne'er was afraid of a traitor thief; Although thy name be Hughie the GrÊme, I'll make thee repent thee of thy deeds, If God but grant me life and time.' But as they were dealing their blows so free, And both so bloody at the time, Over the moss came ten yeomen so tall, All for to take bold Hughie the GrÊme. O then they grippit Hughie the GrÊme, And brought him up through Carlisle town: The lads and lasses stood on the walls, Crying, 'Hughie the GrÊme, thou'se ne'er gae down!' 'O loose my right hand free,' he says, 'And gie me my sword o' the metal sae fine, He's no in Carlisle town this day Daur tell the tale to Hughie the GrÊme.' Up then and spake the brave Whitefoord, As he sat by the Bishop's knee, 'Twenty white owsen, my gude lord, If ye'll grant Hughie the GrÊme to me.' 'O haud your tongue,' the Bishop says, 'And wi' your pleading let me be; For tho' ten Grahams were in his coat, They suld be hangit a' for me.' Up then and spake the fair Whitefoord, As she sat by the Bishop's knee, 'A peck o' white pennies, my good lord, If ye'll grant Hughie the GrÊme to me.' 'O haud your tongue now, lady fair, Forsooth, and so it sall na be; Were he but the one Graham of the name, He suld be hangit high for me.' They've ta'en him to the gallows knowe, He lookËd to the gallows tree, Yet never colour left his cheek, Nor ever did he blink his e'e. He lookËd over his left shoulder To try whatever he could see, And he was aware of his auld father, Tearing his hair most piteouslie. 'O haud your tongue, my father dear, And see that ye dinna weep for me! For they may ravish me o' my life, But they canna banish me fro' Heaven hie. And ye may gie my brither John My sword that's bent in the middle clear, And let him come at twelve o'clock, And see me pay the Bishop's mare. And ye may gie my brither James My sword that's bent in the middle brown, And bid him come at four o'clock, And see his brither Hugh cut down. And ye may tell my kith and kin I never did disgrace their blood; And when they meet the Bishop's cloak, To mak' it shorter by the hood.' XXIX KINMONT WILLIE THE CAPTURE O have ye na heard o' the fause Sakelde? O have ye na heard o' the keen Lord Scroope? How they hae ta'en bold Kinmont Willie, On Haribee to hang him up? Had Willie had but twenty men, But twenty men as stout as he, Fause Sakelde had never the Kinmont ta'en, Wi' eight score in his cumpanie. They band his legs beneath the steed, They tied his hands behind his back; They guarded him fivesome on each side, And they brought him ower the Liddel-rack. They led him thro' the Liddel-rack, And also thro' the Carlisle sands; They brought him on to Carlisle castle To be at my Lord Scroope's commands.