natum esse legitimum: nam indé à contrario sensu ad correctionem Ulpianei responsi malè inferretur natum initio undecimi mensis esse legitimum ut animadvertit etiam Albericus Gentilis _d. Disp._ 1. Sanè in Dicastetrio Wittenbergensi anno 1567. partum pronuntiatum fuisse legitimum, quam mulier, quæ honestè vixerat, post obitum mariti pepererat in initio undecimi mensis, referunt Ioachimus à Beust in tract. de matrimonio _cap._ 36. _in fin. et ad. l._ 3. _ff. de jurejur. num._ 36. ac Andreas Rauchbaert, _part._ 1. _quæst._ 24. _num._ 53. Unde Conradus Riddershusius _in comm. ad Novell. Const. part._ 4. _cap._ 13. a Justinianeo jure moribus recessum existimat. Quod non est admittendum. Illud notatu dignum, quod ex Theodoro Zuingero Medico refert Hotomannus _d. obs._ 9. mulieres nempe dum dimidiatum mensem pro integro computant, sæpe opinari, se undecim menses uterum gestare, cum tamen septem tantum quadragenas dies scilicet 280. compleverint. Jure igitur nostro partus habetur legitimus, qui intra et non post decem menses a morte viri editus est. Confer Iacobum Cujacium _ad d. Novell._ 39. _in tract. de præscript. cap._ 19. _et lib._ 4 _recept. sent. Iulii Pauli cap._ 9. § 5. Andream Tiraquellum _in repetit. l. si unquam_ 8. _in verb. Suscepit liberos C. de revocand. donat._ Iacobum Menochium _lib._ 2. _de arbit. judic. cas._ 89, _num._ 47. 48. & 52. Ioachimum Mynsing. _cent._ 6. _obs._ 4. Franciscum Hotomannum _lib._ 9. _obs._ 9. Gerardum Maynard. _lib._ 4. _decis. Tholos._ 3. 4. Iacobum Concennatium, _lib._ 2. _quæst. jur. cap._ 9. Casus illos raros et extraordinarios ad facti quæstionem, id est, ad Indicis, ut noni viri arbitrium, redigendos esse dicit Hotomannus _d. obs._ 9. _in fin._ Et hanc inter ordinarios et extraordinarios partus differentiam esse ait Gentilis, quòd illi justi habeantur, nisi probentur injusti, hi injusti censeantur, donec justi fuerint approbati. “In hac specie partitæ erant Iudicum sententiæ. Quidam enim censebant juris definitioni hic esset insistendum, cum partus editus sit mense duodecimo ferè completo, si menses his accipiamus lunares, et vir ante obitum quatuordecim dies graviter decubuerit, ideoque credibile non fuerit eum de vene exercenda cogitasse. Alii (qui numero vincebant) judicabant partum legitimum, quòd mulier esset probatis moribus ac pudicitiâ minimè suspectâ, quòd etiam ex marito quantumvis ægroto concipere potuerit, tardiorisque partus caussam ex Hippocratis sententia esse potuisse, quod viri infirmi semen fuerit humidius et excrementosius eoque minus concoctum. Senatus tamen expedire censuit, ut partes ad transigendum monerentur. Transactione autem non succedente, partus frequentioribus suffragiis declaratus fuit legitimus, et patri heres.[181].” ------------------------------------