Arise, arise renewed, O Latin race, Beneath the great cope of thy golden sun! The russet grape is bubbling in the press, And gushing forth the wine of God shall run! (Trans. Alma Strettell.) To conclude with the words of Mistral quoted from one of his addresses: “If thou wouldst that the blood of thy race maintain its virtue, hold fast to thy historic tongue.... In language there lies a mystery, a precious treasure.... Every year the nightingale renews his feathers, but he changes not his note.” C. E. MAUD. MISTRAL’S POEMS IN THE PROVENÇAL GREVANÇO II (_From_ “Lis Isclo d’Or.”) Oh! vers li plano de tousello Leissas me perdre pensatiéu, Dins li grand blad plen de rousello Ounte drouloun iéu me perdiué! Quaucun me bousco De tousco en tousco En recitant soun angelus; E, cantarello, Li calandrello Ièu vau seguènt dins lou trelus ... Ah! pauro maire, Bèu cor amaire, Cridant moun noum t’ausirai plus! LES SAINTES-MARIES (_Mireille_). Nautre, li sorre emé li fraire Que lou seguian pèr tout terraire, Sus uno ratamalo, i furour de la mar, E sènso velo e sènso remo, Fuguerian embandi. Li femo Toumbavian un riéu de lagremo; Lis ome vers lou cèu pourtavon soun regard. Uno ventado tempestouso Sus la marino sóuvertouso Couchavo lou batèu: Marciau e Savournin Soun ageinouia sus la poupo; Apensamenti, dins sa roupo Lou vièi Trefume s’agouloupo; Contro éu èro asseta l’evesque Massemin. Dre sus lou tèume, aquéu Lazàri Que de la toumbo e dóu susàri Avié’ncaro garda la mourtalo palour, Sèmblo afrounta lou gourg que reno: Em’éu la nau perdudo enmeno Marto sa sorre, e Madaleno, Couchado en un cantoun, que plouro sa doulour. Contro uno ribo sènso roco, Alleluia! la barco toco; Sus l’areno eigalouso aqui nous amourran E cridan tóuti: Nòsti tèsto Qu’as póutira de la tempèsto, Fin-qu’au coutèu li vaqui lèsto A prouclama ta lèi, o Crist! Te lou juran! A-n-aquèu noum, de jouïssènço, La noblo terro de Prouvènço Parèis estrementido; à-n-aquéu crid nouvèu, E lou bouscas e lou campèstre An trefouli dins tout soun èstre, Coume un chin qu’en sentènt soun mèstre Ié cour à l’endavans e ié fai lou bèu-bèu. La mar avié jita d’arcèli ... Pater noster, qui es in cœli,-- A nosto longo fam mandères un renos; A nosto set, dins lis engano Faguères naisse uno fountano; E miraclouso, e lindo, e sano, Gisclo enca dins la glèiso ounte soun nòstis os! MAGALI. O Magali, ma tant amado, Mete la tèsto au fenestroun! Escouto un pau aquesto aubado De tambourin e de vióuloun. Es plen d’estello, aperamount! L’auro es toumbado, Mai lis estello paliran, Quand te veiran!