15. Thus have I breeflie handled the letteres and their soundes, quhilk, to end this parte, I wald wish the printeres, in their a, b, c, to expresse thus:--a, ae, ai, au, ea, b, c, d, e, ee, ei, eu, f, g, h, i, j, k, l, m, n, o, oa, oo, ou, p, q, r, s, t, u, ui, v, w, x, y, z, and the masteres teaching their puples to sound the diphthonges, not be the vouales quharof they be made, but be the sound quhilk they mak in speaking; lykwayes I wald have them name w, not duble u nor v, singl u, as now they doe; but the last, vau or ve, and the first, wau or we; and j, for difference of the voual i, written with a long tail, I wald wish to to be called jod or je. OF THE SYLLAB. Cap. 6. 1. Now followes the syllab, quhilk is a ful sound symbolized with convenient letteres, and consistes of ane or moe. 2. A syllab of ane letter is symbolized with a voual onelie; as, a in able, e in ever, i in idle, o in over, u in unitie, for a consonant can make no syllab alane. 3. A syllab of moe letteres is made of vouales onelie, or els of vouales and consonantes. Of onlie vouales the syllab is called a diphthong, of quhilk we have spoaken in the vouales quherof they ar composed. 4. A syllab of vouales and consonantes either begin_n_es at the voual, as al, il, el; or at one consona_n_t, as tal man; or at tuo consona_n_tes, as stand, sleep; or els at thre at the maest, as strand, stryp. It endes either at a voual, as fa, fo; or at one consonant, as ar, er; or at tuo, as best, dart; or at thre at the maest, as durst, worst. 5. Heer is to be noated, that in divyding syllabes, the consonantes, one or moe, that may begin a syllab anie way in the middes of a word belong to the voual following, as in que-stion, qua-rel, fi-shar, sa-fron, ba-stard, de-scrib, re-scue. 6. It is alsoe heer to be observed in printing and wryting, that quhen a word fales to be divyded at the end of a lyne, that the partition must be made at the end of a syllab, soe that the one lyne end at the end of the whol syllab, and the other begin the next lyne. As, for exemple, if this word magistrat fel to be divided at the first syllab, it behoved to be ma-gistrat; if at the second, it behoved to be magi-strat; but no wayes to parte the m from the a, nor the g from the i, nor the s from t, nor the t from r. OF THE RULES TO SYMBOLIZE. Cap. 7. 1. To symboliz right, the sound of the voual is first to be observed, quhither it be a simple voual or a compound, and quhilk of them is to be chosen, for quhilk no rule can be geven but the judgeme_n_t of the ear. 2. Next the consonantes are to be marked; and first, quhither they break the voual befoer or behind; then quhither they be one or moe; and lastlie, w_i_th quhat organes of the mouth they be broaken. 3. For be the organes of the mouth, quherwith the syllab is broaken, the consonantes are discerned be quhilk the syllab must be symbolized, quhilk we have said, cap 1, sect. 5.