Determined their landlord’s fine words to make good, They hid pikes in his haggard, cut staves in his wood; And attack’d the king’s troops—the assertion to clinch, That no town is so _loyal_ as Ballynahinch. V. O! had we but trusted the _rebels’_ professions, Met their cannon with smiles, and their pikes with concessions; Tho’ they still took an _ell_ when we gave them an _inch_, They would all have been _loyal_—like Ballynahinch. VIRI ERUDITI, Si vobis hocce poematium, de navali laude Britanniæ, paucis annis ante conscriptum, nuperrimè recensitum atque emendatum, forté arrideat, quærite in proximis vestris tabulis locum quendam secretum atque securum, ubi repositum suâ sorte perfruatur. Quod si in me hanc gratiam contuleritis, devinctus vobis ero et astrictus beneficio. ETONENSIS. DE NAVALI LAUDE BRITANNIÆ. Successu si freta brevi, fatisque secundis, Europæ sub pace vetet requiescere gentes, Inque dies ruat ulteriús furialibus armis GALLIA, tota instans à sedibus eruere imis Fundamenta, quibus cultæ Commercia vitæ Firmant se subnixa;—tuisne, BRITANNIA, regnis Ecquid ab hoste times; dum te tua saxa tuentur, Dum pelagus te vorticibus spumantibus ambit? Tu medio stabilita mari, atque ingentibus undis Cincta sedes; nec tu angusto, Vulcania tanquam Trinacris, interclusa sinu; nec faucibus arctis Septa freti brevis, impositisque coercita claustris. Liberiora Tibi spatia, et porrecta sine ullo Limite regna patent (quanto neque maxima quondam Carthago, aut Phœnissa Tyros, ditissima tellus Floruit imperio) confiniaque ultima mundi. Ergone formidabis adhuc, ne se inferat olim, Et campis impuné tuis superingruat hostis? Usque adeone parúm est, quod laté litora cernas Præruptisturrita jugis, protentaque longo Circuitu, et tutos passim præbentia portus? Præsertim australes ad aquas, Damnoniaque arva, Aut ubi Vecta viret, secessusque insula fidos Efficit objectu laterum; saxosave Dubris Velivolum laté pelagus, camposque liquentes Aeria, adversasque aspectat desuper oras.