I. I am a bard of no regard Wi' gentle-folks, an' a' that; But Homer-like, the glowran byke**, Frae town to town I draw that. CHORUS. _For a' that, an' a' that, An' twice as muckle's a' that, I've lost but ane, I've twa behin' I've wife eneugh 'or a' that._ * Promised. ** The multitude. II. I never drank the Muses' _tank_, Castalia's burn an' a' that; But there it streams, an' richly reams My _Helicon_ I ca' that. _For a' that, &c._ III. Great love I bear to all the Fair, Their humble slave, an' a' that; But lordly Will, I hold it still A mortal sin to thraw that. _For a' that, &c._ IV. In raptures sweet, this hour we meet, Wi' mutual love an' a' that; But for how lang the flie may stang, Let Inclination law that. _For a' that, &c._ V. Their tricks an' craft hae put me daft, They've ta'en me in, an' a' that; But clear your decks, an' here's _the Sex!_ I like the jads for a' that. _For a' that, an a' that,_ An' twice as muckle's a' that, My dearest bluid, to do them guid, _They're welcome till't for a' that._ POINT VII. RECITATIVO. So sung the _Bard_--and Nansie's waws Shook wi' a thunder of applause, Re-echo'd from each mouth! They toom'd * their pokes, they pawn'd their duds**, They scarcely left to coor their fuds, To quench their lowan drouth. [Illustration: 048] Then owre again, the jovial thrang, The poet did request, To lowse his pack an' wale a sang, A ballad o' the best.. He, rising, rejoicing, Between his _two, Deborahs_, Looks round him, an' found them Impatient for the chorus. * Opened. **Rags. POINT VIII. AIR. _Tune_--JOLLY MORTALS, fill your glasses. [Illustration: 051] I. See! the smoking bowl before us, Mark our jovial, ragged ring! Round and round take up the chorus, And in raptures let us sing-- _A fig for those by law protected,_ Liberty's _a glorious feast! Courts for cowards were erected, Churches built to please the priest._ What is title, what is treasure, What is reputation's care? If we lead a life of pleasure, 'Tis no matter how or where. _A fig, &c._ III. With the ready trick and fable, Round we wander all the day; And at night, in barn or stable, Hug our doxies on the hay. _A fig, &c._ IV. Does the train-attended carriage Thrp' the country lighter rove? Does the sober bed of marriage Witness brighter scenes of love? _A fig, &c._ V.