Rodericus superatus in prælio, solus, lacrymabilis, abjectus, et pene defficiens pervenit ad præfatum monasterium Cauliniana, ibique a prædicto Romano pœnitentiæ et Eucharistiæ Sacramentis susceptis, pariter cum illo, cum imagine, et reliquiis ad Seanum montem pervenerunt 10 kal. Decemb. in quo rex solus per annum integrum permansit, in Ecclesia ibi inventa cum Christi crucifixi imagine, et ignoto sepulchro. Romanus vero cum hac Sacra Virginis effigie inter duo ista saxa, usque ad extremum vitæ permansit; et ne futuris temporibus aliquem ignorantia teneat, hæc cum reliquiis sacris in hac extremæ orbis parte recondimus. Deus ista omnia a Maurorum manibus servet. Amen. De his lectis et a Presbyteris apertis satis multum sumus gavisi, quia nomen de sanctis reliquiis, et de Virgine scivimus, et ut memorentur per semper in ista serie testamenti scribere fecimus. Do igitur prædictam hæreditatem pro reparatione prefatæ Ecclesiæ cum pascuis, et aquis, de monte in fonte, ingressibus et regressibus, quantum a prestitum hominis est, et illam in melhiorato foro aliquis potest habere per se. Ne igitur aliquis homo de nostris vel de estraneis hoc factum nostrum ad irrumpendum veniat, quod si tentaverit peche ad dominum terræ trecentos marabitinos, et carta nihilominus in suo robore permaneat, et insuper sedeat excommunicatus et cum Juda proditore pænas luat damnatorum. Facta series testamenti vi Idus Decemb. era M,CLXX, Alfonsus Portugaliæ Rex confirm. Sancius Rex confirm. Regina Dona Tarasia confirm. Petrus Fernandez, regis Sancii dapifer confirm. Menendus Gunsalui, ejusdem signifer confirm. Donus Joannes Fernandez curiæ regis maiordomus confirm. Donus Julianus Cancellarius regis confirm. Martinus Gonsalui Pretor Colimbriæ confirm. Petrus Omariz Capellanus regis confirm. Menendus Abbas confirm. Theotonius conf. Fernandus Nuniz, testis. Egeas Nuniz, testis. Dn Telo, testis. Petrus Nuniz, testis. Fernandus Vermundi, testis. Lucianus Præsbyter notavit._”