The Knight of La Tour-Landry (chap. xvii) tells a story which shows that the costume of minstrels was often conspicuous for richness and fashion: "As y have herde telle, Sir Piere de Luge was atte the feste where as were gret foyson of lordes, ladies, knightes, and squieres, and gentilwomen, and so there came in a yonge squier before hem that was sette atte dyner and salued the companie, and he was clothed in a cote-hardy[364] upon the guyse of Almayne, and in this wise he come further before the lordes and ladies, and made hem goodly reverence. And so the said Sir Piere called this yonge squier with his voys before alle the statis, and saide unto hym and axed hym, where was his fedylle or hys ribible, or suche an instrument as longethe unto a mynstralle. 'Syr,' saide the squier, 'I canne not medille me of such thinge, it is not my craft nor science.' 'Sir,' saide the knight, 'I canne not trowe that ye saye, for ye be counterfait in youre araye and lyke unto a mynstralle; for I have knowe herebefore alle youre aunsetours, and the knightes and squiers of youre kin, which were alle worthie men; but I sawe never none of hem that were [wore] counterfait, nor that clothed hem in such array.' And thanne the yonge squier answered the knight and saide, 'Sir, by as moche as it mislykithe you it shalle be amended,' and cleped a pursevant and gave him the cote-hardy. And he abled hym selff in an other gowne, and come agen into the halle, and thanne the anncyen knight saide openly, 'This yonge squier shalle have worshipe for he hath trowed and do bi the counsaile of the elder withoute ani contraryenge.'"