+ There was a certayn White Frere whiche was a very glotton and a great nyggyn,[64] which had an vngracyouse boy that euer folowed hym and bare his cloke, and what for the freres glotony and for his chorlysshnes the boy, where he wente, cowlde scante gette meate ynoughe: for the frere wolde eate almoste all hym selfe. But on a tyme the frere made a sermone in the contry, wherin he touched very many myracles whyche Cryste dyd afore hys passyon, amonge which he specyally rehersyd the myracle whyche Cryste did in fedynge fyue thousande people with fyue louys of brede and with iii lytell fysshes; and this frerys boy which caryd not gretely for hys mayster * *, _by reason that_ hys mayster was so great a churle, _cryed out aloude_ that all the church harde, and sayd: by _my faith, then, there were no_ fryers there! whyche answere made all _the people laughe, so_ that for shame the frere wente out of the * * * * * he than departyd out of the churche * * * * By thys ye may se that it is honeste * * depart with suche as he hath to them * * FOOTNOTES: [64] niggard. + _Of the frankelyn that wold haue had the frere gone._ xxxii. + A ryche fraynklyn dwellyn in the countie of * * * _had a frere in his_ house, of whom he could neuer be ryd any _meanes, but he wold tarrye by the_ space of a senyght[65] and wold neuer depart; wherfore _the franklyn was sore grevud and sadly_ wery of hym. On a tyme as he and hys wyfe and this frere _were togydder_, he faynyd hymselfe very angry wyth hys wyfe, in somoche that he _smote_ her. Thys frere perseyuyng well what they ment sayd * * * I haue bene here this seuenyght whan ye were frendys, and _I will tarrye a_ fortenyght lenger but I wyll se you frendys agayne, or I depart. _The franklyn_, perceyuynge that he coude no good nor wold not depart by none _other meanes_, answeryd hym shortely and sayd: by God! frere, but thou shalt abyde here no longer; and toke hym by the shulders, and thrust hym out of the dorys of the house. By this ye may se, that he that wyl lerne no good by examples in a maner to hym shewyd, is worthy to be taught wyth open rebuke. FOOTNOTES: [65] a week. + _Of the prest that sayd Our Lady was not so curyous a woman._ xxxiii. + In the towne of Bottelley dwellyd a mylner, whiche had a good homely wenche to his doughter, whome the curate of the nexte towne louyd, and, as the fame went, had her at hys pleasure. But on a tyme thys curat prechyd of those curyouse wyues now a dayes, and whether it were for the nonys,[66] or whether it cam oute at all aduenturys, he had penyd to say thus in hys sermon: ye wyues, ye be so curyous in all your warkes, that ye wot not what ye meane, but ye shold folow Oure Lady. For Our Lady was nothynge so curyous as ye be; but she was a good homely wenche lyke the mylners doughter of Botteley. At whych sayng all the parishons made gret laughyng, and specyally they that knew that he louyd that same wenche.