Thys coke Thomas,[70] heryng hys mayster thus mokkyng hym, in anger stert vp and sayd: by Goddys body! mokkyng churle, I wyll neuer do the seruyce more; and went forth to hys chamber to gete hys gere to geder to thentent to haue gon thens by and by; but what for the anger that he toke wyth his mayster for the mok that he gaue hym, and what for labor that he toke to geder hys gere so shortly togeder, the payne of the tothake went from hym incontynent, that hys mayster cam to hym and made hym to tarry styll, and tolde hym that hys charme was the cause of the ease of the payne of the tothake. By thys tale ye may se, that anger oftymes puttyth away the bodely payne. FOOTNOTES: [69] orig. reads _send_. [70] orig. reads Thomas coke. In the orig. the text runs on in the above passage, which is generally done in old books to save room. + _Of the gentylman that promysed the scoler of Oxforde a sarcanet typet._ xxxix. + A scoler of Oxford latley made Mayster of Art cam in to the cyte of London, and in Poulys mette with the sayd mery gentleman of Essex, which was euer disposyd to play many mery pageants,[71] wyth whom before he had bene of famylyer accoyntaunce and prayd hym to give hym a sercenet typet. This gentylman, more lyberall of promyse than of gyfte, grauntyd hym he should haue one, yf he wold com to hys lodgyng to the sygne[72] of the Bull wythout Byshops gate in the next mornynge at vi of the cloke. Thys scoler thankyd hym, and for that nyght departyd to hys lodgyng in Flete Strete, and in the mornyng erely as he poyntyd cam to hym to the sygne of the Bull. And as [soon as] thys gentylman saw hym, he bad hym go wyth hym in to the Cyte, and he sholde be sped anon; whyche incontynent went togyder, tyll they[73] cam in to seynt Laurence Church in the Jury, where the gentylman espyed a preste raueshyd to masse[74] and [he] told the skoller that "yonder is the preste that hath the typet for you," and bad hym knele downe in the pew, and he shold speke to hym for it. And incontynent thys gentylman went to the preest and sayd: syr, here is a skoller, a kynnysman of myne, gretly dyseasyed wyth the chyncough.[75] I pray you, whan masse is donne, gyue hym iii draughtys of your chales. The preest grantyd hym, and tornyd hym to the skoler, and sayd: syr, I shall serue you as sone as I haue sayd masse. The skoler than taryed styll and herd the mas, trusting that whan the masse was done, that the preste wold giue hym hys typet of sarcenet. Thys gentylman in the meane whyle departyd out of the chyrche. Thys preste, whan mas was done, putte wyne in the chales, and cam to the skoler knelyng in the pew, profferyng hym to drynk of the chales. Thys skoler lokyd upon hym, and musyd and sayd: why, master parson, wherfore profer ye me the chales? Mary, quod the prest, for the gentylman told me ye were dysseasyd with the chyncough, and prayd me therfor that for a medecyne ye might drynk of the chales. Nay, by seynt mary, quod the