"And many a man lyeth by other mennys wyues, And so do I by thyne."[81] What dost thou, horeson, quod the mayster? By my trouthe, mayster, no thynge, quod he, but make vp the ryme. But quod the mayster: I charge the tell me why thou sayest so? Forsothe Mayster, quod he, for nothynge in the worlde but to make vp your ryme. Than quod the mayster: yf thou doist for nothynge ellys, I am content. So the mayster forgaue hym hys saynge, all thoughe he sayd trouthe peraduenture. FOOTNOTES: [80] Quietly. + _Of the Welcheman that delyuered the letter to the ape._ xlvi. _5 first lines wanting._ fauoure to his seruant and commaunded his seruant shortely to br_ynge hym an_ answere. This Welcheman came to the chefe Iustyce' place, and at _the gate saw_ an ape syttynge there in a cote made for hym, as they use to _apparell apes_ for disporte. This Welchman dyd of hys cappe, and made curtsye _to the ape and_ sayd: my mayster recommendeth hym to my lorde youre father, and sendeth hym here a letter. This ape toke this letter and opened it, and _lokyd theron_, and after lokyd vpon the man, makynge many mockes and moyes, _as the proper_tyes of apes is to do. This Welcheman, because he vnde_rstood hym_ nat, came agayne to his mayster accordynge to his commaundes, _and tolde hym he_ delyuered the letter vnto my lorde chefe Iustyce' sonne, _who was at the gate_ in a furred cote. Anone his mayster asked hym what _answere he broughte. The man_ sayd he gaue hym an answere; but it was other Frenche _or Laten: for he understode_ him nat. But, syr, quod he, ye nede nat to fere: for I saw _in his counte_naunce so moche, that I warrante you he wyll do your errande to my lorde his father. This gentylman in truste therof made not a_nye further suite_, for lacke wherof his seruaunte, that had done the felonye, within a monthe after was rayned at the kynges benche and caste, and afterwarde hanged. By this ye may se that euery wyse man ought to take hede, that _he sende nat a fo_lysshe seruaunte vpon a hasty message that is a matter of _nede_. FOOTNOTES: [81] This, to save space, is printed like prose in the orig.; but it was evidently meant to be verse. + _Of hym that solde ryght nought._ xlvii.