"Sciant presentes et futuri quod ego Johannes Mayowe de Snytterfeld dedi, concessi, et hac presenti carta mea confirmavi, Roberto Throkmerton Armigero, Thome Trussell de Billesley, Rogero Reynoldes de Henley in Arden, Willelmo Wodde de Wodhouse, Thome Arderne de Wylmecote, et Roberto Arderne filio eiusdem Thome Arderne, unum mesuagium cum suis pertinenciis in Snytterfeld predicta, una cum omnibus et singulis terris toftis, croftis, pratis, pascuis et pasturis eidem mesuagio spectantibus sive pertinentibus in villa et in campis de Snytterfeld predicta cum omnibus suis pertinenciis; quod quidem mesuagium predictum quondam fuit Willelmi Mayowe et postea Johannis Mayowe et situatum est inter terram Johannis Palmer ex parte una et quandam venellam ibidem vocatam Merellane ex parte altera in latitudine et extendit se in longitudine a via Regia ibidem usque ad quendam Rivulum, secundum metas et divisas ibidem factas. Habendum et tenendum predictum mesuagium cum omnibus et singulis terris Toftis, Croftis, pratis, pascuis, et pasturis predictis, ac omnibus suis pertinenciis prefatis Roberto Throkmerton, Thome Trussell, Rogero Reynoldes, Willelmo Wodde, Thome Arderne et Roberto Ardern heredibus et assignatis suis de capitalibus dominis feodi illius per servicia inde debita et de jure consueta imperpetuum. Et ego vero predictus Johannes Mayowe et heredes mei mesuagium predictum cum omnibus et singulis terris Toftis Croftis, pratis, pascuis et pasturis supradictis ac omnibus suis pertinenciis prefatis Roberto Throckmerton, Thome Trussell, Rogero Reynoldes, Willelmo Wodde, Thome Arderne et Roberto Arderne heredibus et assignatis suis contra omnes gentes Warrantizabimus et defendemus imperpetuum.