NOTE: The Old English "yogh" characters have been translated both upper and lower-case yoghs to digit 3's. There are Unicode allocations for these (in HTML Ȝ and ȝ) but at present no font which implements these. Substiting the digit 3 seemed a workable compromise which anybody can read. The linked html "Old English 'yogh' file" uses Ȝ and ȝ representations, and is included for users with specialist fonts. * * * * * SYR GAWAYN AND THE GRENE KNY3T. [FYTTE THE FIRST.] I. [A] Siþen þe sege & þe assaut wat3 sesed at Troye, [Fol. 91a.] Þe bor3 brittened & brent to bronde3 & aske3, Þe tulk þat þe trammes of tresoun þer wro3t, 4 Wat3 tried for his tricherie, þe trewest on erthe; Hit wat3 Ennias þe athel, & his highe kynde, Þat siþen depreced prouinces, & patrounes bicome Welne3e of al þe wele in þe west iles, 8 [B] Fro riche Romulus to Rome ricchis hym swyþe, With gret bobbaunce þat bur3e he biges vpon fyrst, & neuenes hit his aune nome, as hit now hat; Ticius to Tuskan [turnes,] & teldes bigynnes; 12 Langaberde in Lumbardie lyftes vp homes; [C] & fer ouer þe French flod Felix Brutus On mony bonkkes ful brode Bretayn he sette3, wyth wynne; 16 [D] Where werre, & wrake, & wonder, Bi syþe3 hat3 wont þer-inne, [E] & oft boþe blysse & blunder Ful skete hat3 skyfted synne. [Sidenote A: After the siege of Troy] [Sidenote B: Romulus built Rome,] [Sidenote C: and Felix Brutus founded Britain,] [Sidenote D: a land of war and wonder,] [Sidenote E: and oft of bliss and blunder.] II. 20 Ande quen þis Bretayn wat3 bigged bi þis burn rych, [A] Bolde bredden þer-inne, baret þat lofden, In mony turned tyme tene þat wro3ten; Mo ferlyes on þis folde han fallen here oft 24 [B] Þen in any oþer þat I wot, syn þat ilk tyme. [C] Bot of alle þat here bult of Bretaygne kynges Ay wat3 Arthur þe hendest; as I haf herde telle; For-þi an aunter in erde I attle to schawe, [Fol. 91b.] 28 Þat a selly in si3t summe men hit holden, & an outtrage awenture of Arthure3 wondere3; [D] If 3e wyl lysten þis laye bot on littel quile, I schal telle hit, as-tit, as I in toun herde, 32 with tonge; As hit is stad & stoken, In stori stif & stronge, With lel letteres loken, 36 In londe so hat3 ben longe. [Sidenote A: Bold men increased in the Land,] [Sidenote B: and many marvels happened.] [Sidenote C: Of all Britain's kings Arthur was the noblest.] [Sidenote D: Listen a while and ye shall hear the story of an "outrageous adventure."] III.