Ordinis statum habitum atque nomen, Non Sine Cordis Amaritudine et Dolore sacro approbante concilio, Non Per Modum Definitivæ Sententiæ, cum eam super hoc secundum inquisitiones et processus super his habitos, Non possumus Ferre, de Jure, Sed Per viam Provisionis, seu ordinationis apostolicæ, irrefragabili et Perpetuo Valitura sustulimus sanctione, ipsum prohibitione Perpetuæ supponentes, distinctius inhibendo ne quis dictum Ordinem de cœtero intrare, vel ejus habitum suscipere aut portare, vel pro Templario gerere se præsumeret; quod si quis contra faceret, excommunicationis incurreret sententiam, ipso facto. Datum Viennæ, vi. non. Maii, pont. nostrianno vii. (ii. Maii MCCCIII.) [Illustration: CLEMENTUS PP. V] Charter of Transmission. [Illustration: V.D. S.A.] Ego Frater Johannes-Marcus Larmenius, Hierosolymitanus, Dei gratia et Secretissimo Venerandi sanctissimique Martyris, Supremi Templi Militiæ Magistri (cui honos et gloria) decreto, communi Fratrum Consilio confirmato, super universum Templi Ordinem Summo et Supremo Magisterio insignitus, singulis has decretales litteras visuris salutem, salutem, salutem. Notum sit omnibus tam præsentibus quam futuris, quod, deficientibus, propter extremam ætatem, viribus, rerum angustia et gubernaculi gravitate prepensis, ad majorem Dei gloriam, Ordinis, Fratrum et Statutorum tutelam et salutem ego, supra dictus, humilis Magister Militiæ Templi, inter validiores manus Supremum statuerim deponere Magisterium. Idcirco, Deo juvante, unoque Supremi Conventus Equitum consensu, apud eminentem Commendatorem et carissimum Fratrem, Franciscum-Thomam-Theobaldum Alexandrinum, Supremum Ordinis Templi Magisterium, auctoritatem et privilegia contuli, et hoc præsenti decreto pro vita confero, cum potestate, secundum temporis et rerum leges, Fratri alteri, institutionis et ingenii nobilitate morumque honestate præstantissimo, Summum et Supremum Ordinis Templi Magisterium summamque auctoritatem conferendi. Quod sic, ad perpetuitatem Magisterii, successorum non intersectam seriem et Statutorum integritatem tuendas. Jubeo tamen ut non transmitti possit Magisterium, sine commilitonum Templi Conventus Generalis consensu, quoties colligi valuerit Supremus iste Conventus; et, rebus ita sese habentibus, successor ad nutum Equitum eligatur. Ne autem Languescant Supremi Officii munera, sint nunc et perenniter quatuor Supremi Magistri Vicarii, supremam potestatem, eminentiam et auctoritatem, super universum Ordinem, salvo jure Supremi Magistri, habentes; qui Vicarii Magistri apud seniores secundum professionis seriem, eligantur. Quod Statutum e commendato mihi et Fratribus voto sacrosancti supra dicti Venerandi Beatissimique Magistri nostri, Martyris (cui honos et gloria) Amen.