JOHAN HEYDON et Hen Cook Mestres[30] William Chapman et William Gomine Surveyours de la Compaignie appelle ffraternite des Barbers de la Citee de Londres dauncien temps ordeigne certifiant au Counsail ñre S{r.} le Roy en sa Chancellarie la forme manere et condicion de touz articles obseruancez et lour circumstances contenuz en la paper de dite Compaignie en la forme quesuyt la quel compaignie nont nul teñt ne rent a lour c͠oe oeps les queles articles la dite Compaignie nont usez en lour temps forsqz soulement pur auer lour vesture un foitz per añ et paier lour quarterage pur sustiner pouerez geñtz de mesme la Compaignie et un foitz per añ assembler pur manger et eslire neuells Mestres et Surveiours sanz ascun autre article de sontz escript mettre en use forsqz ceux qˀ tan soulement sont faitz al honour de dieu mes purtant qils ont trouez un paper one les articles de sontz escriptz fait del temps donc memorie ne court ils les ont p’sentez a vrẽ tressages discrecions. [30] Sworn Masters of the Barbers, 10 Sept., 1388. 12th Ric. II. (_Letter-Book H._ 235{B.}) CESTE ENDENTURE fait en nom̃ de Dieu omnipotent pier et fitz et seynt Esperitz et de nr̃e Dame Seynt Marie et de tout la gloriouse Compaignie de Ciel de la foundacion et de Lordinance de la fraternite des Barbers de la Cite de Londres tesmoigñ coment et sur queux pointz la dite Fraternite est funduz et ordeigne. PRIMEREMENT al honourance de Dieu et touz ses Seyntes et pur excitac͠on les coẽns des geñtz a bien faire et perseuerance auoir en bien faitz est ordeigne qˀ si ascun frere de cel fraternite qi ad este de cell fraternite per vij anz sil cheit en mischief ou en pouerte pˀ auenture issint qil neit de quoy il purra viure de son propre et ces ne luy aucigne de sa propre folye qu donqz il auera chescun semaigne de lour c͠oe boyste x{d.} oᵬ. pur sa sustenance. ITEM quant ascun frere du dite fraternite soit mort les freres de la dite fraternite serront la veyle al dirige et le jour al Messe et al dirige et al Messe del Moys obit et qˀ chescun tiel frere mort eit xxx messes de lour c͠oe Boyste et qˀ chescun frier qˀ soit absent sanz reasonable eucheson a ascun des ditz iiij foitz qil mette a lour c͠oe Boyste en noun de ses offrandes et dispences queux il deust auer fait sil eust este en p’sent iij{d.} ITEM quant ascun Meistre de la dite Fraternite eit feme Mort qˀ les freres de la dite ffraternite soient a La Vigile et a la Messe le jour de sont enterment et a la Moys obit et quel frer qˀ soit absent a ascun de tres foitz qil paie pur chescun foitz qil soit absent en lieu des costages et autres dispences queux il ferreit sil feusse present a lour c͠oe boyst iij{d.} ITEM qˀ nul frere de la dite Fraternite abette autri seruant hors des seruice son Meistre priuement ne apertement.