Et oultre plus pour faire fin à la manière que len se arme en fait de jouxtes ou pais et contrée que jay cy desous déclaié, ne diray aultre chose pour le présent, sinon que ung bon serviteur dun jousteur doit regarder principallement trois choses sur son maistre avant quil luy donne sa lance; cest assavoir que ledit jousteur ne soit désarmé de nulles de ses armeures par le cop précédent; laultre si est que ledit jousteur ne soit point estourdy ou méhaigné pareillement par ledit cops précédent quil aura eu; le tiers si est que ledit serviteur doit bien regarder sil y a autre prest sur les rengs qui ait sa lance sur faulte, et prest pour jouster contre sondit maistre, affin que sondit maistre ne tienne trop longuement sans faire course la lance en larrest, ou quil ne face sa course en vain et sans que autre vienne à lencontre de luy. APPENDIX E EXTRACTS FROM THE ORDINANCES OF THE ARMOURERS OF ANGERS STATUTS DES ARMURIERS FOURBISSEURS D’ANGERS, 1448 1. Quiconque vouldra estre armurier ou brigandinier, fourbisseur et garnisseur d’espées et de harnois ... faire le pourra.... 2. It. les quels maistres desd. mestiers seront tenus besoigner et faire ouvrage de bonnes étoffes, c’est assavoir pour tant que touche les armuriers, ils feront harnois blancs pour hommes d’armes de toute épreuve qui est à dire d’arbalestes à tilloles et à coursel a tout le moins demie espreuve, qui est a entendre d’arbaleste a crocq et traict e’archiers, et pour tant que touche les brigandiniers ils seront tenus pareillement faire brigandines, c’est assavoir les plus pesantes de 26 à 27 livres poix de marc tout au plus, tenant espreuve d’arbaleste a tillolles et marquées de 2 marques, et les moindres de 18 a 20 livres, tel poix que dessusu et d’espreuve d’arbaleste a crocq et traict d’archier, marquées d’une marque. Et seront icelles brigandines d’assier, trampees partout et aussi toutes garnies de cuir entre les lames et la toile, c’est assavoir en chacune rencontre de lames, et ne pourront faire lesd. brigandines de moindre poix de lame.... 3. It. et fauldra qe lesd. lames soient limees tout a l’entour a ce que tes ettoffes durent plus largement.... 10. Que las marchans et ouvriers desd. mestiers, tant faiseurs d’espées, haches, guysarmes, voulges, dagues et autres habillemens de guerre, seront tenus de faire tout ouvrage bon, loyal, et marchant. 11. It. que tous fourbisseurs et garnisseurs d’espées, tant vielles que neuves, seront tenus de faire fourraux de cuirs de vache et de veau, et les jointures de cuir de vache, la poignee d’icelles nouee de fouer [fouet?] et se aucunes poignées sont faictes de cuir, icelles poignées seront garnies de fisselles par dessouez, led. cuir. 12. Et pareillement les atelles des fourreaux seront neufvs et de bois de fouteau sec....