[Sidenote: Times of the year.] Nowe these plowes be made and tempered, it is to be knowen howe a man shoulde plowe all tymes of the yere. In the begynnynge of the yere, after the [Sidenote: [Fol. 7_b_.]] feast of the Epiphany, it is tyme for a husbande to 4 [Sidenote: Plough leas early.] go to the ploughe. And if thou haue any leys, to falowe or to sowe otes vpon, fyrste plowe them, that the grasse and the mosse may rotte, and plowe them a depe square forowe. And in all maner of plowynge, 8 se that thy eye, thy hande, and thy fote do agree, and be alwaye redy one to serue a-nother, and to turne [Sidenote: Lay the mould flat.] vp moche molde, and to lay it flat, that it rere not on edge. For if it rere on edge, the grasse and mosse 12 wyll not rotte. And if thou sowe it with winter-corne, as whete or ry, as moche corne as toucheth the mosse wyll be drowned, the mosse dothe kepe such wete in it self. And in some countreys, if a man plowe depe, 16 he shall passe the good grounde, and haue but lyttel corne: but that countrey is not for men to kepe husbandry vppon, but for to rere and brede catell or shepe, for [Sidenote: Beeting land with mattocks.] elles they muste go beate theyr landes with mattockes, 20 as they do in many places of Cornewayle, and in som places of Deuonshyre. 9. ¶ To plowe for pease and beanes. [Sidenote: Peas and beans.] Howe to plowe for pees and beanes, were necessarye to knowe. Fyrst thou muste remember, whiche is [Sidenote: [Fol. 8.]] mooste cley-grounde, and that plowe fyrste, and lette it lye a good space, er thou sowe it: bycause the 4 froste, the rayne, the wynde, and the sonne may cause it to breake smalle, to make moche molde, and to [Sidenote: Plough a square furrow.] rygge it. And to plow a square forowe, the bredthe and the depenes all one, and to laye it close to his 8 felow. For the more forowes, the more corne, for a generall rule of all maner of cornes. And that may be proued at the comynge vp of all maner of corne, to stande at the landes ende and loke toward the other 12 ende; And than may ye se, howe the corne groweth. 10. ==> Howe to sowe bothe pease and beanes.