Willelmus dei gratia Elyensis episcopus Domini Regis cancellarius universis Christi fidelibus ad quos presens scriptum pervenerit salutem in vero salutari. Universitati vestre notum fieri volumus nos dedisse et concessisse et presenti carta nostra confirmasse dilecto et familiari nostro Gaufrido Blundo civi Lond’ et heredibus suis totam terram et mesuagium cum pertinentiis et libertatibus et liberis consuetudinibus et rebus cunctis que ad predictam terram pertinent, quam terram et quod mesuagium cum pertinentiis emimus de Waltero Lorengo qui fuit nepos Petri filii Walteri[517] et Roberti filii Walteri et eorum heres per veredictum tocius civitatis Londoniarum (_sic_), et hoc testificatum fuit coram nobis _a maioribus baronibus civitatis_ apud Turrim Lond’. Que terra et quod mesuagium cum pertinentiis fuerunt predicti Petri filii Walteri et predicti Roberti filii Walteri qui fuerunt avunculi predicti Walteri Loreng’ et jacent in parochia Sancti Laurentii de Judaismo et in parochia Sancte Marie de Aldermanebery, habendum et tenendum predicto Gaufrido et heredibus suis jure hereditario imperpetuum cum omnibus pertinentiis et libertatibus et liberis consuetudinibus et cum omnibus rebus, scilicet quicquid ibidem habuimus in terris, in lignis, in lapidibus, in redditibus, et in rebus cunctis, sine aliquo retenimento faciendo inde servicium quod inde capitali domino debet, scilicet vj d. per annum ad Pasch’ pro omni servitio. Hanc vero terram et mesuagium cum pertinentiis, ut predictum est, ego Willelmus predictus et heredes nostri predicto Gaufrido et heredibus suis contra omnes gentes imperpetuum warrantizabimus. Pro hac donatione et concessione et carte nostre confirmatione predictus Gaufridus Blund dedit nobis quatuor viginti et decem libras argenti in gersumam. Et ut hec nostra donatio et concessio rata et inconcussa predicto Gaufrido et heredibus suis imperpetuum permaneat, eam presenti scripto et sigilli nostri munimine corroboravimus. Hiis testibus: Hugoni Cestrensi episcopo; Henrico de Longo Campo fratre nostro; Willelmo de Brause; Henrico de Cornhell’; Willelmo Puintel; Ricardo filio Reineri; Henrico filio Ailwin’; Waltero de Hely senescallo nostro; Matheo de Alenzun camerario nostro; magistro Michaele; Willelmo de Sancto Michaele; Gaufrido Bucuinte; Simone de Aldermannebury; Baldewino capellano nostro; Stephano Blundo; Philippo elemosinario nostro; magistro Willelmo de Nanntes; Daniele de Longo Campo clerico nostro; Reimundo clerico nostro, et multis aliis.