3840 Uns clers en son escript difine Disant: ‘N’est cil qui tant encline Au deable sicom_m_e fait Envie; La quelle a sa primere orine En paradis fist la ruine, Dont abeissa la n_ost_re vie.’ He, quel aguait, quele envaïe Nous faisoit lors de sa boidie, Q’elle ot muscé deinz sa peytrine! Et ore n’est ce point faillie; 3850 En tous paiïs la gent escrie Que trop endure sa covine. =De les cink files de Ire, des queles la primere ad no_u_n Malencolie.= Si plus avant vous doie dire Des filles qui se naiscont d’Ire, Cynk en y ad trop malurés,[111] L’une est malvoise et l’autre est pire: Way, pourra dire cel Empire, U que se serront mariés: Car plus p_er_sont desmesurés En fais, en dis, et en pensés, 3860 Que nulle langue poet descrire. Peas, concordance et unités Ont sur tous autres desfiés, Et plus les faisont a despire. La primere est Malencolie, C’est une file trop hastie, Que se corouce du legier Pour un soul mot, si nuls le die, Voir d’une paile ou d’une mye Se vorra malencolier. 3870 Cil qui le voet acompaigner, Souffrir l’estoet sanz repleder, O tout laisser sa compaignie: Ne valt reso_u_n pour l’attemprer, Car l’ire sourt deinz son penser Com_m_e du fontaine la buillie. Quant ceste fille prent seignour, Qui plus pres est son servitour,[112] En aese au paine vivera; Ainz chier compiert le grant irro_ur_ 3880 De luy, qui maintes fois le jour Pour poy du riens l’avilera. Sovent sa maiso_u_n troublera, Ses officers remuera: Sa fem_m_e n’ert pas sanz dolour, Car ja si bon_n_e ne serra, Com_m_e plus d’amer se penera, Tant meinz avra son bon amo_ur_. Malencolie en ire flote Et de discort tient la riote; 3890 Car pour le temps q_ue_ l’ire dure Ne luy plerra chançon ne note: Si tu bien dis, le mal en note, Si tu voes chald, il voet freidure, Quant tu te hastes, il demure, Ore est dessoutz, ore est dessure, Ore hiet et ore d’amour assote, Ore voet, no_u_n voet; car sa mesure Plus est movable de nature Que n’est la chace du pelote. 3900 Malencolie en son bourdant Se melle ensi com_m_e combatant, Car ire et jeu tient tout d’un pris: Quiq_ue_ s’en vait esp_ar_niant, S’il poet venir a son devant, Il fait a son povoir le pis. Ne sont pas sanz corous ses ris, Non sont sanz maltalent ses dis, Petit dura son beau semblant; Si rien vait contre son devis, 3910 Sovent enbronchera le vis; Plus est divers que nul enfant. A son fils ce dist Salomon, Q’en son hostell ne soit leo_u_n En subvertant de sa moleste[113] Et sa familie et sa maiso_u_n: Mais reule essample ne reso_u_n Le Malencolien n’areste,