Reso_u_n del alme est tout confus: Car danz Cato_u_ns ce nous aprent, Que long repos de songement Norrist les vices au dessus. El livre de levitici Dieus ad defendu q_ue_ nully 5270 A Sompnolence doit entendre; Car c’est un pecché desgarni, Qui du laron et d’anemy Laist sa maison fouir et fendre Sanz resister et sanz defendre: Q’ainçois q’il porra garde p_re_ndre, Ou q’il le cuer ait esveilly Pour grace et pour vertu rep_re_ndre, Ly laron vient pour luy surp_re_ndre, De ses pecchés tout endormi. 5280 Dieus a les gens du Babilant, Q’en leur pecchés furont dormant, Par son p_ro_phete Jeremie, ‘Dorment,’ ce dist, ‘cil fol truant, Et si songent en leur songant Du sempiterne songerie, Dont lever ne se pourront mie.’ He, Sompnolence au char amie, Tu moers tant com_m_e tu es vivant, Et puis enfern te mortefie, 5290 Siq_ue_ tu es toutdis sanz vie; Trop p_er_dist dieus en toy faisant. Iceste fille ad une aqueinte, Qe molt se fait paisible et queinte, Siq_ue_ labour ne la surquiere: Tendresce a no_u_n, si est trop feinte Et du petit fait sa compleinte, Voir, si ly ventz au doss la fiere. Ne vait as champs com_m_e charuere, N’a la montaigne com_m_e berchere, 5300 Ne poet souffrir si dure enpeinte; Mais com_m_e la tendre chamberere Du tout labour se trait arere; Trop est en luy nature exteinte. Mais qua_n_t Tendresce est chamberleine Au frere, au moigne, ou a nonneine, Cel ordre vait trop a rebours; Car pour cherir la char humeine Dormont tout suef a longe aleine, [Sidenote: =f. 33=] Et sont de leur vigile courtz. N’est pas bien ordiné ce cours; 5311 Car ce dist dieus, q’es roials courtz Sont cil qui vestont mole leine, No_u_npas en cloistres n’en dortours; Mais tant sont tendre ly priours, N’ont cure a ce q_ue_ dieus enseigne. Tendresce est celle que debat Au cuer et le corage abat, Et si luy dist, ‘Prens remembrance Que tu primer fus delicat 5320 Norry, pour ce sustien l’estat Dont es estrait du jofne enfance.’ Ensi le cuer met en errance, Dont le corage desavance Et du soubgit fait potestat, C’est de sa char, q’en habondance Repose, et l’alme a sa penance S’en vait tout povre et desolat. Ly sages dist parole voire: ‘O come amiere est la memoire 5330 A l’om_m_e pensant de la mort, Quant est enmy sa tendre gloire!’ Car tout luy changera l’estoire Soutz terre, uq_ue_ ly serpens mort Sa tendre char, et la qu’il dort Un oreiller boscheus et tort Avra de la crepalde noire: Mais q_ue_ pis est, l’alme au plus fort[143] En paine irra par desconfort, U sanz mercy l’en desespoire. 5340