Que lente et reguardant arere Sa main fait mettre a la charue: La tour com_m_ence auci primere, Mais ne la poet p_ar_faire entiere, Dont om au fin l’escharne et hue. Je truis que de la gent hebrue La rereguarde fuist vencue, 5660 Qua_n_t par lachesce estoit derere, Dont Amalech les fiert et tue: Mais ja tieu chose n’eust venue, S’avant fuissent ove la banere. Om ne doit mettre a no_u_nchaloir P_ro_verbe q’est du grant savoir, Car jadis om solt dire ensi: Cil qui ne voet qua_n_t ad pooir, N’el porra puis qant ad voloir, Ainz serra son pourpos failli. 5670 Lachesce fait tout autrecy Du tout ce q’app_ar_tient a luy: Qua_n_t poet ne fait le soen devoir, Par quoy sovent est escharni; Car quant au fin s’est enpovri, Lors quiert ce q_ue_ ne poet avoir. Senec le dist, q’a son avis Trop s’aliene et est caitis Du foy cil qui sa repentance Deferre tanqu’il soit antis, 5680 Quant du jofnesse est desfloris, Et q’au peccher n’ad sufficance; Car c’est un povre bienvuillance, Q’a dieu lors offre la pitance Du viele lie q’est remis, Qant tous les flo_ur_s p_ar_ fole errance De sa jovente et sa substance As deables ad offert toutdis. Ce dist ly deable au Lacheté: [Sidenote: =f. 35=] ‘Jofne es et ta jolieté Te poet encore long durer, 5691 Et lors porras ta malvoisté Par loisir a ta volenté Tout a belle houre redrescer.’ Ensi le met en folquider, Plus nyce que le prison_n_er Qui tout jour voit l’uiss desfermé, Dont il pourroit en saulf aler, Mais ne se voet desprison_n_er, Tanq’il au gibet soit mené. 5700 Mais a Lachesce avient sovent, Que par son fol deslaiement, Quant voit com_m_ent ad tous perdu, Les biens du siecle et ensement Les biens del alme, et folement Son temps en mal ad despendu, Lors deinz son cuer s’est enbatu Tristesce, dont tant est com_m_u. Que sa mort p_ro_pre tristement Desire, et est tant esperdu 5710 Que ja pour hom_m_e ne pour dieu Ne s’en conforte ascunement. De la tristesce q’est mondeine Ly sages son enfant enseigne Qu’il doit fuïr la maladie, Q’au cuer del hom_m_e est tant greveine, Com_m_e est la tine au drap du leine, Ou verm que l’arbre mortefie. Car la tristesce en sa folie Les oss ensecche, et puis la vie 5720 Escourte et la vielesce meine, Avant que l’oure soit complie Que nature avoit establie: C’est maladie trop vileine. Tristesce est celle nyce fole Que la reso_u_n trestoute affole, Siq_ue_ ly deable a son plesir De luy se jue et se rigole; Et si la prent de tiele escole Dont l’art est sanz recov_er_ir. 5730 Car du Tristesce le conspir Fait Obstinacio_u_n venir,