Que verité tient a frivole, Siq_ue_ reso_u_n ne voet oïr, Du pecché pour soy repentir; Car du pardo_u_n ne tient p_ar_ole. Le vice d’Obstinacio_u_n Par nulle predicacio_u_n A repentance ne s’applie, Mais par fole hesitacio_u_n 5740 De sa continuacio_u_n Pert grace, dont en heresie Argue et tient que sa folie Est tant alé q’en ceste vie N’en poet faire emendacio_u_n: Dont il la dieu mercy desfie, Que confesser ne se voet mye, Ainz chiet en desparacio_u_n. Molt ad grant joye ly malfée Quant l’om_m_e ad fait desesp_er_é; 5750 Car lors le meine p_ar_ le frein Tout voegle apres sa volenté, Q’au droite voie en nul degré Rettourner sciet, siq’au darrein Se pent ou tue de sa mein; Dont est du double mort certein, Com_m_e fuist Judas ly maluré. Ce dist saint Job, ‘Trop est en vein Que l’om_m_e vit jusq’au demein, Qui s’est en desespoir rué.’ 5760 Desesp_er_ance l’insolible C’est ly pecchés q_ue_ deinz la bible Par Jeremie dieus blama, Et la nom_m_a le vice horrible; Disant qu’il tant la fra passible Des mals q_ue_ souffrir la ferra, Siq_ue_ chascun q_ue_ la verra Sur luy sa teste movera, Et tous dirront, ‘Vei l’incredible, Q’en dieu mercy ne se fia! 5770 Dont sanz mercy puny serra Du mort dont nuls est rev_er_tible.’ =La quarte file d’Accidie, quelle est appellée Oedivesce.=