La bible auci de vielle geste Que rien soit vendu n’achatez 7210 Defent es festes celebrez, Ainz en repos soit hom_m_e et beste. =Ore dirra de la tierce file d’Avarice, la quelle ad no_u_n Usure.= La tierce file ad no_u_n Usure, Dont Avarice trop s’assure, [Sidenote: =f. 43=] Si maint entour la riche gent, Et sur les povres sans mesure Et sanz mercy par mesprisure Son gaign pourchace; car l’argent Q’aprester doit al indigent Sans surcrois au repaiement, 7220 Jam_m_ais appreste, ainz a toute hure Son gaign trete au com_m_encement; Car poy luy chault au finement, Maisqu’il en rit, si l’autre plure.[180] Ses brocours et ses p_ro_curiers Retient ove luy com_m_e soldoiers Cil Usurer deinz la Cité, Qui vont serchans les chivaliers, Les vavasours et l’escuiers: Qant ont leur terres enguagé 7230 Et vienont par necessité D’aprompter, lors ly maluré Les font mener as usurers, Et tantost serra compassé Ce q’est de novel appellé La chevisance des deniers. Com_m_e cil qui chat achatera El sac, ainçois q_ue_ le verra, Ensi vait de la chevisance: Car qui deniers apromptera 7240 Fault achater, mais ce serra Sanz veue, no_u_n sanz repentance; Et lors fault faire sa fiance Du paiement, et par semblance Puis doit revendre q’achata Au meindre pris. He, queu balance, Q’ensi le creançour avance Et le dettour destruiera! El viel et novel testament Usure mesmes dieux defent: 7250 Lors est soubtil a mon avis Cil burgois, qui si faitement Savra par son compassement D’usure colourer le vis, Et la vestir par tieu devis, Siq_ue_ les autres de paiis Ne la savront aucunement Conoistre, ainz qu’ils en soient pris;[181] Dont lo_ur_ covient au double pris Achater son aquointement. 7260 Du charité ne vient ce mye, Q’Usure ad toutdis son espie Sur ceux qui vuillont aprompter: Car com_m_e plus ont mestier d’aïe, Tant plus s’estrange en sa partie, Po_ur_ pl_us_ attraire en son danger Ceux q_ue_ luy vuillont aquointer: Mais ja se sciet nuls tant quointer, Q’ainçois q’il viegne au departie Qe de son fait se doit loer; 7270 Ainz qui pl_us_ quiert d’acompaigner Plus p_er_dra de sa compaignie. En les Cités ad une usage, Qui prent long jour de son paiage Sa perte verra plus prochein:[182] Com_m_e plus le debte monte en age, De tant plus monte en halt estage Le pris de ce dont fait bargein. Que ceste chose est tout certein Scievont tresbien ly chambrelein, 7280 Dont ly seigno_ur_ ont grant dam_m_age; Pour cynk acate et paie ou mein Pour sisz, si paiez au demein, Car c’est d’usure l’avantage.