‘Vien,’ dist Usure, ‘a ton plaisir, Si te repose en mon papir, Q’ert de ma p_ro_pre main escrit.’ Mais je dy, si te fais tenir En tieu repos, ne poes faillir Q’au fin serras lass et sougit. 7290 Sicom_m_e ly champs d’un grein petit Se multeplie a grant p_ro_ufit Et fait ton large grange emplir, Ensi la som_m_e q’est confit El papir croist, mais d’autre plit Ta bource vuide a son partir. Trop vait d’usure soubtilant Q’est mesmes d’usure ap_ro_mptant, Qua_n_t voit q’il poet par aventure La soum_m_e apprester plus avant,[183] 7300 Pour plus gaigner q’il p_ar_devant N’en p_er_dist au prim_er_e usure. Cil q’ensi doublement usure Et fait le vice ou le p_ro_cure, Au deables est le droit marchant; Dont en la Cité q’est oscure Pour gaign q’il p_re_nt a present hure Prendra le gaign del fieu ardant. Soubtilité ne Faux compas Ove Malengin ne fauldront pas 7310 Al usurer, qu’ils leur aïe Ne luy ferront a son pourchas, Dont gaignera les six pour aas Des busoignous q’attrappe et lie. Mais par Osee en p_ro_phecie De la marchande tricherie Dieux se complaint, q_ue_ p_ar_ fallas L’en fait usure en ceste vie; Mais pour le tresor de Pavie N’estoet a morir en ce cas. 7320 En les Cités no_u_n soulement, Ainz d’autre part forainement Usure maint en les contrés, Et vent a Noel son frument, Mais pour ce q_ue_ sa paie attent Jusques a Pasques, ert doublez Le pris d’icell. He, queu marchiés! Ce q’on achat en les marchiés Pour quatre souldz com_m_unement, Usure a ses accoustum_m_ez 7330 Pour six souldz par les chiminez En attendant sa paie vent. Les riches gens Usure endite, Qua_n_t a la gent povre et petite, Q’a labourer covient pour lour, Devant la main pour une myte Q’om leur app_re_ste, et poy p_ro_ufite, Vuillont ravoir un autre jour Deux tant ou plus de lo_ur_ labour: L’usure d’un tiel creançour 7340 De la com_m_une est trop despite, Et dieus ascoulte a leur clamour; Si q’en la terre est en haour, Et en le ciel auci despite. =Ore dirra de la quarte file d’Avarice, la quelle ad no_u_n Simonie.=