La file quarte et averouse Elle est clergesse covoitouse, Quelle est appellé Simonie, Du faculté trop enginouse; Car tant du siecle est curiouse, Qe tout corrumpe sa clergie. 7350 Ne lerrai maisq_ue_ je le die, Cil clers a qui celle est amie Trop est sa vie perillouse; Car qui bien sciet et ne fait mie, L’escole de philosophie Est a son fait contrariouse. Du Simonie ay tant oÿ, Om puet tout temps de l’an p_ar_my Trover les foires au plener Au Court de Rome, et qui vient y, 7360 Maisqu’il soit fort del orr garny, Faillir ne puet de marchander. Pluralités y puet trouver, Et les prebendes achater, Et dispensacions auci, Pardo_u_n et indulgence entier: Si bien sa bource puet parler, Que l’eveschiés irront ove luy. Simon demeine grans desrois Entre les clers es Courtz des Rois, Que plus ne scievont q_ue_ nature: 7371 Car de Cano_u_n ne d’autres lois N’entendont latin ne gregois, Pour construer sainte escripture; Mais de la temporiele cure Scievont malice sanz mesure, A don_n_er un consail malvois: Et nepourqua_n_t ensi p_ro_cure Les l_ett_res cil q’est sanz lettrure, Qu’il est eslit au plus hault dois.[184] 7380 Ore est ensi, chescuns le voit, La penne plus de bien envoit, Et plus enclinont a ses partz Ly seigno_ur_ pour luy faire esploit, Q’au meillour clerc, qui sciet au droit Respondre a ses divines pars. Ore est auci q_ue_ tes sept marcs Plus t’aideront q_ue_ les sept ars, Car n_ost_re Court ainsi pourvoit: Si largement ton orr depars, 7390 Ainz ers Evesq_ue_, tu Renars, Qe l’aignel q’est de dieu benoit. Jerom, Tulles, et Aristote Se pourront juer au pelote Dehors la porte en n_ost_re Court, Combien q_ue_ leur science flote, Qua_n_t Simon n’est en lour conflote. Du remenant chascuns tient court, Mais celle part u Simon court Chascuns la main tendue acourt, 7400 Si luy criont a haulte note ‘Bien viene cil qui nous honourt!’ Car quant la bource bien labourt, D’un tiel clergo_u_n no Court assote. [Sidenote: =f. 44=] Pour ce l’escole du clergie En n_ost_re Court n’est pas cherie, Q’elle est si povre et don_n_e nient; Car la duesse Simonie A nully porte compaignie Forsq’au gent riche, et la se tient. 7410 Du n_ost_re Court qui bien souvient Bien puet savoir u ce devient, Q’argent ainz q_ue_ philosophie Monte en estat, q’au peine avient, Qant Simon ove son or survient, Poverte avoir la prelacie. Ore fault au clerc roial support; Ore falt servir et q’il se port Plain de losenge en tout office; Ore falt argent; car a no port 7420 Q’ad nul des trois nul bien report, Ainz vuide irra sanz benefice. Mais qua_n_t la file d’Avarice