La quinte file, soer germeine A celles q’Avarice meine, 7490 Son no_u_n est dit Escharceté: De son office elle est gardeine Et tout reserve a son demeine, Et pain et chars et vin et blée. Sa Miere ensi l’ad com_m_andé, Et oultre ce luy ad baillé Tout son tresor, mais a grant peine Le guart, siq_ue_ sa largeté N’a dieu n’a hom_m_e en nul degré N’en fait un jour de la semeine. 7500 A ceux qui luy devont servir Sovent sermone ove g_ra_nt suspir Disant com_m_ent, qua_n_t et pour quoy Et u leur covient abstenir; Siq_ue_ largesce maintenir Ou en apert ou en recoy N’osent, ainz se tenont tout coy:[190] Car tant com_m_e pl_us_ il ait du quoy, Tant plus s’afforce d’esp_ar_nir; Que certes fermement je croy, 7510 Cil q’est privé de son secroy Puet de suffraite asses oïr. L’eschars enfrons estroit enhorte Celuy qui doit garder sa porte, Q’il povre gent n’y laist entrer, Ne leur message avant reporte Au paneter, qu’il leur apporte Du pain po_ur_ leur faym estancher: Ou autrement il fait lier, Que nul mendif y doit passer, 7520 Un grant mastin, q’a nul desporte: Po_ur_ ce du chien fait son portier, Qe s’aucuns povre vient crier, De sa maiso_u_n nul bien ne porte. Du leon et de loup la vie C’est a manger sanz compaignie, Com_m_e dist Senec; mais nepo_ur_qant L’enfrons eschars au mangerie Ne quiert avoir amy n’amye, Ainz tout solein s’en vait mangant; 7530 Et de s’escharceté menant Les grans tresors vait amassant, Nonpas pour soy, car sa partie N’en ose prendre a son vivant, Dont un estrange despendant Ap_re_s sa mort tout l’esparplie. L’enfrons eschars, voir a son piere, Ad cuer plus dur q_ue_ nulle piere[191] Sanz faire aucune bienfesance; Car nous lisons q_ue_ la Rochiere 7540 Au gent hebreu, qui dieus ot chiere, Don_n_a del eaue sufficance El grant desert; mais habondance Combien qu’il ait, du bienvuillance Vilains enfrons, si nuls le quiere, A nul jour dorra la pitance: Tieu boteler ja dieus n’avance, Ainz soif ardante le surquiere. Je lis auci deinz le psaltier Q’om puet du pierre mel sucher, 7550 Et oille de la roche dure: C’est forte chose a controver; Plus fort encore est a trouver[192] Bonté, largesce ne mesure En l’om_m_e eschars, car de nature Nul bien ferra, ainz d’aventure Ce vient, s’il unques p_ro_ufiter Veuldra vers une creature; Et quant le fait en aucune hure, Au miracle om le puet noter. 7560 C’est cil q’au povre gent desdit Le pain, dont Salomon escrit La Cité se grondilera: C’est ly berbis qui sanz p_ro_ufit De soy as aultres son habit Du bon_n_e layne portera. Escharcement qui semera,