Escharcement puis siera, Solonc ce que l’apostre dit: Drois est q’as povres poy dorra, 7570 Qu’il poy pour ce resceivera De cel avoir q’est infinit. Pour ce q_ue_ sanz misericorde Escharceté son cuer encorde, Q’as povres gens ne se desplie, Et qu’il d’almoisne ne recorde, Ainçois a charité descorde Et tout as p_ro_pres oeps applie, Puis qant la mort luy est complie, Et l’alme pour mercy supplie, 7580 A son clamour dieus ne s’acorde: Car cuer qui du pité ne plie, Dieus a l’encontre ensi replie, Et lie a mesme celle corde. =Ore dirra la descripcio_u_n de Avarice par especial.= O Avarice la mondeine, Qe ja n’es de richesce pleine, Tu es d’enfern ly droit p_er_tus; Car qanq_ue_ enfern tient en demeine N’est uns qui jam_m_ais le remeine, Ainz ert illeoc sanz fin reclus; 7590 Ensi sont tout ly bien p_er_clus Q’en ton tresor retiens enclus, [Sidenote: =f. 45=] Q’a ton p_ro_chein n’a ta p_ro_cheine, Qui vont du poverte esp_er_duz, N’en partes, dont au fin p_er_duz Serras de l’infernale peine. A l’averous desreson_n_al Riens est qui soit celestial, Ce dist ly sage, ainz tout s’applie Au siecle, et d’ice mondial 7600 Dedeinz la goule cordial N’iert unques plain en ceste vie. Cil q’ad le mal d’idropesie, Com_m_e plus se prent a beverie, Tant plus du soif desnatural Ensecche; et tiele maladie Ad l’averous de sa partie, Com_m_e plus ad, meinz est liberal. Ce dist l’apostre, q’avarice Est des ydoles le service. 7610 Amon, pour ce q’ensi servist, De la cruele dieu justice Deinz sa maiso_u_n pour s’injustice Des ses gens p_ro_pres uns l’occist: Dont dieus p_ar_ Jeremie dist, ‘Pour l’avarice en quelle il gist Je suy irrez, et pour le vice Je l’ay feru, dont il languist.’ He qant dieus fiert, qui le garist? N’est qui, si dieus ne l’en garisse. 7620 Dame Avarice est dite auci Semblable au paine Tantali, Q’est deinz un flum d’enfern estant Jusq’au menton tout assorbi, Et p_ar_dessur le chief de luy Jusq’as narils le vait pendant Le fruit des pom_m_es suef flairant; Mais d’un ou d’autre n’est gustant, Dont soit du faym ou soif gary, Les queux tous jo_ur_s vait endurant. 7630 Dont m’est avis en covoitant Del averous il est ensi. Le philosophre al averous Ce dist, qu’il est malvois a tous Et a soy mesmes plus peiour, C’est cil q’est riche et souffreitous, Du p_ro_pre et auci busoignous, Com_m_e s’il du rien fuist possessour: Dont en parlant de tiel errour[193] Dist Marcials que jam_m_ais jour 7640 Tant com_m_e vivra n’a soy n’a vous P_ro_ufitera d’aucun bon tour; Ainz est d’aquester en dolour De ce dont jam_m_ais ert joious.