L’en dist, mais c’est inp_ro_prement, Qe l’averous ad grant argent; Mais voir est q_ue_ l’argent luy a: En servitude ensi le prent, Siq_ue_ par reso_u_n nulle aprent Pour son prou faire de cela; 7650 Mais com_m_e cil qui s’enfievrera[194] N’ad pas la fievre, ainz fiev_er_e l’a Soubgit, malade et pacient, Quil n’ad savour dont goustera, Ensi cil q’averous esta Sert a son orr semblablement. Dame Avarice celle escole Tient, u semp_re_s chascun s’escole Et entre y pour estudier, No_u_npas d’ap_re_ndre a la citole, 7660 Ainz est q_ue_ chascun soul ou sole A soy pourra l’orr amasser. Trois pointz ap_re_nt, dont ly primer C’est ardantment a covoiter, Et puis du main dont bien ne vole Escharcement les biens user, Et puis estroitement guarder L’orr q’il detient com_m_e en gaiole. L’om_m_e averous ensi se riche, Tant com_m_e pl_us_ ad, pl_us_ en est chiche:[195] Mais au darrein, sicom_m_e p_er_dis 7671 Q’es champs a sa veisine triche, Se puet tenir pour fol et niche; Car qua_n_t meulx quide a son avis De son avoir estre saisis, Soudainement serra suspris Du mort, qui les riches desriche; Dont Jeremie quant je lis, Savoir pourray q’a son devis Fols est q’en tiel avoir se fiche. 7680 Des quatre pointz Bede en p_ar_lant[196] Vait avarice moult blamant: L’un est q’il tolt des gens la foy; L’autre est q’amour fait descordant; Du tierce il est descharitant; Ly quarte tient tous mals en soy, En ce q’a dieu deinz son recoy Graces ne rent, s’il n’ait po_ur_ quoy De la peccune survenant; Car autrement se tient tout coy 7690 Sanz dieu conoistre ne sa loy: C’est un pecché trop deceivant. He, vice du mal espirit, Ascoulte que Bernars t’ad dit, Que trop p_er_est chose abusée Que tu q’es verm vil et petit Quiers estre riche et ton delit Avoir du siecle habandon_n_é, Qua_n_t pour toy dieus de magesté, Par qui ly siecles fuist créé, 7700 Sa deité pour ton habit Volt abeisser, et povreté Souffrir, dont soietz essamplé. He fol, pren garde a cest escrit! =Ore dirra de les cink files de Gloutenie, dont la prim_er_e est appellée Ingluvies.=