Ly tendre estomac ne s’englue. He, dieus, quoy pense itieu cristin? Bien puet savoir com_m_ent au fin Tous tieux delices dieus argue. Au primer establissement Dieus les viandes de la gent, Du beste, oisel, piscon du mier, Fist ordiner tout p_ro_prement Sanz les curies autrement Des grantz delices adjouster: 7950 Mais ore il falt braier, streigner, Et tout de sus en jus tourner, Que dieus ot fait si plainement; Dont m’est avis q’en son manger Ly delicatz voldra changer Et dieu et son ordeignement. Et d’autre part a sa nature Ly delicatz trop desnature, Qua_n_t l’estomac q’est asses plein Provoce a passer sa mesure 7960 Par saulses et par confiture, Q’om fait tous jo_ur_s p_re_st a sa mein. Il est auci vers son p_ro_chein Grevous, q’il tantz des biens soulein Devoure en une petite hure, Q’as pluso_ur_s p_ar_ un temps longtein Porroit souffire. He, quel vilein, Q’offent trestoute creature! Oisel par autre se chastie; Et ensi puet de sa partie 7970 Qui l’evangile a droit lira [Sidenote: =f. 47=] Du riche, qui toute sa vie Vivant en sa delicacie Son chaitif corps glorifia, Mais a Lazar qui s’escria Au porte et de son pain pria Ne volt don_n_er la soule mye; Dont lo_ur_ estatz la mort changa, Ly Riches en enfern plonga, Et l’autre en ciel se glorifie. 7980 Cil qui fuist riche et poestis Estoit en flam_m_e ardante mis, Et cil qui povre et vil estoit Fuist ove les saintz du p_ar_adis El sein du patriarche assis: L’eschange moult se div_er_soit, La goute d’eaue l’un rovoit, Sa langue dont refroideroit En l’ardour dont il fuist suspris; Mais qui la mie ne don_n_oit 7990 Au povre, reso_u_n le voloit Qu’il de la goute fuist mendis. Pour ce nous dist l’apostre Piere, Qe cil qui delicat s’appiere Et se delite en geule et feste, Ne puet faillir maisq’il compiere; Car quelq’il soit, ou fils ou piere, Il doit perir sicom_m_e la beste. Car c’est le pecché deshoneste, Qui toute vertu deshoneste, 8000 Et trestout vice a sa baniere Apres soy trait, com_m_e cil q’ap_re_ste Au char toute folie preste, Et trestout bien met a derere.[201] En manger delicatement Le temps s’en passe vainement, La reso_u_n dort et tout s’oublit, Le ventre veile et tant enprent Qe pl_us_ ne puet; mais nequedent La langue encontre l’appetit 8010 Encore a taster un petit S’afforce, et a son ventre dist, ‘He, ventre, q’est ce? dy com_m_ent: Ne pus tu pl_us_ de rost ne quit? Je ne t’en laiss encore quit, Ainz falt a faire mon talent.’ N’est il bien sot qui paist et porte Son anemy, qui luy reporte Rep_ro_eche et mal po_ur_ son bon port?