Que nulle beste du paiis. Dont saint Ambrose ensi disoit, Que des tous vices ly soubgis Et ly plus serf a son avis C’est Yv_er_esce en son endroit. Sicome p_ro_dhom_m_e le moustier Quiert pour devoutement orer, L’om_m_e yvre fait par autre guise, Si quiert taverne a son mestier: 8260 Car la taverne au droit juger Est pour le deable droite eglise, U p_re_nt des soens le sacrefise. Le corps lors paiera l’assise De son escot au taverner, Mais puis la mort po_ur_ la reprise, Qant plus la bource ne suffise, Lors fait sanz fin l’alme engager. Saint Isaïe en son divin, ‘Way vous,’ ce dist, ‘q’au jo_ur_ matin 8270 Levetz et jusques au vesprée A la taverne estes enclin, D’yv_er_esce plain plus q_ue_ porcin: Car p_ro_prement par tieu pecché Ly poeples est chaitif mené, Si ont mainte autre gent esté Perdu de la vengance au fin.’ Pour ce ly sage en son decré Sicom_m_e la mort nous ad veé, Que nous ne bevons trop du vin. 8280 Uns clercs dist, Yv_er_esce est celle Q’encontre dieu tient la turelle, U sont tous vices herbergez, Pour guerre que se renovelle, Dont chascun jo_ur_ vient la novelle A dieu, dont trop est coroucez, Q’ils ont tous vertus forschacez: Par quoy dieus les ad manacez Par Jeremie, et les appelle Disant q’as tous tieux forsenez 8290 Il tient sa coupe apparaillez Plain de vengance a la tonelle. Iv_er_esce, qui dieus puet haïr, Les uns en eaue fait perir, Les uns en flam_m_e fait ardoir, Les uns du contek fait morir, Les uns occist sanz repentir, Les uns attrait a desespoir, Les uns fait p_er_dre leur avoir, Les uns joïr et surdoloir, 8300 Les uns desfame par mentir, Les uns trahist par no_u_nsavoir, Les uns tolt reso_u_n et povoir, Les uns fait droite foy guerpir. He, orde, vile et felon_n_esse Est la folie d’Yveresce, Par qui l’en pert grace et vertu Du sen, beauté, force et richesce, Science, honour, valour, haltesce: Saunté du corps en est perdu,[212] 8310 Et ly cynk sen sont confondu, Ly bien parlant en devient mu,[213] Et ly clier oill to_ur_ne en voeglesce; N’ad pié dont il soit sustenu, Ne main par qui soit defendu, N’oraille qui d’oïr ne cesse. La bo_u_nté en devient malice,[213] La sobre contienance nice, Et la reso_u_n desreson_n_al, Si fait tout bien to_ur_ner en vice. 8320 Fols est pour ce que l’excercice En p_re_nt, dont vienont tant de mal;[214] Car c’est le vice especial Q’est fait du consail infernal Leur p_ro_cureur, qui nous entice, Pour mener a cel hospital U sont ly tonell eternal Plain de misere en son office. =Ore dirra de la quarte file de Gule, q’ad no_u_n Sup_er_fluité.=