Et chascun son pecché revile, Et dieus en est trop coroucez.[208] Cil qui s’est mesmes malmenez, Com_m_ent serront par luy menez 8180 Les gens qui sont de sa famile? No_u_n bien, car nief qui plus q’asses Se charge, falt q’en soit quassés,[209] Dont soy et autres enperile. Mal est d’avoir le corps honiz, Mais l’alme p_er_dre encore est pis; Ce fait hom_m_e yvre en son degré. Car il n’ad corps, ainz enfieblis Plus q_ue_ dormant s’est endormis, Et la reso_u_n s’en est alé, 8190 Dont l’alme serroit governé. Di lors, q’est il? Ne say par dée. Il n’est pas hom_m_e au droit devis, Ne beste, ainz est disfiguré, Le monstre dont sont abhosmé Dieus et nature a leur avis. Yv_er_esce est p_ro_pre la cretine, Que par diluge repentine Les champs semez ensi suronde, Siq_ue_ n’y laist grain ne racine, 8200 Ainz tout esrache et desracine. Yv_er_esce ensi, dessoutz sa bonde Ja n’ert vertu dont l’alme habonde Que tout ensemble ne confonde; Si tolt au corps la discipline, Qe membre a autre ne responde: C’est des tous vices la seconde, Qe l’alme et corps met en ruine. Ly pecchés dont je vois p_ar_lant Ensi comme deable est blandisant, 8210 Et semble suef de son affaire, C’est un venym doulz apparant. Saint Augustin le vait disant, L’om_m_e yvres est en soy contraire, Q’il n’ad soy mesmes po_ur_ bienfaire, Ne sciet ne puet com_m_ent doit faire; Car il n’est soulement pecchant, Ainz est de soy par son mesfaire Trestout pecché, corps et viaire Ove tout le membre app_ar_tenant. 8220 Tout ensement com_m_e du chito_u_n, Qui naist sanz vieue et sanz reso_u_n, Et point ne voit ne point n’entent, Si vait de la condicio_u_n Del yvre; car discrecio_u_n Du corps ou d’alme ad nullement: Les oels overtz ad nequedent, Mais com_m_e plus larges les extent,[210] Tant voit il meinz soy enviro_u_n; Le cuer de l’om_m_e ad ensement, 8230 Mais il n’ad tant d’entendement Qu’il sciet nom_m_er son p_ro_pre no_u_n. L’om_m_e yv_er_e par fole ignorance De soy ne d’autre ad conuscance: Ce parust bien el temps jadys, Qua_n_t Loth par sa desconuscance D’yv_er_esce enprist la fole errance, Dont ses deux files avoit pris Et par incest s’estoit mespris; Mais ja n’eust il le mal enpris, 8240 S’il fuist du sobre remembrance. Pour ce trop boire a mon avis Des tous pecchés c’est un des pis, Qui tolt au cuer la sovenance. L’om_m_e yv_er_e en soy trop se deçoit, Qu’il quide a boire qui luy boit; C’est le bon vin, dont il est pris Et liez, siq’en tiel destroit N’ad membre p_ro_pre q’a luy soit, Ne reso_u_n dont il soit apris; 8250 Ainz est plus sot et plus caitis[211]