Luy siet la coife de sotie. 8820 Bien sciet la fem_m_e en son mestier Son follechour entraqueinter Ove son baro_u_n du bienvuillance, Dont il se porra herberger Sovente fois et sojourner, Qant luy plerra, d’acustumance. O leccherouse pourvoiance, Dont l’avoultier ensi s’avance, Et luy maritz desavancer Se fait de sa tresfol cuidance; 8830 Ne say si soule sa creance Luy doit par reso_u_n excuser. He, com_m_e ly sires est deçu Quant il dirra luy bienvenu Au tiel amy en son venant! Mais en p_ro_verbe est contenu, ‘Ly cous ad tout son fiel perdu Et ad dieu en son cuer devant:’ Dont a sa fem_m_e est obeissant, Si n’ose parler tant ne qant, 8840 Ainz est du sot amour vencu, Q’il n’est jalous de nul semblant. Q’ensi vait hom_m_e chastiant Trop ad la fem_m_e grant vertu. Mais s’il avient que ly baro_u_n Soit jalous, et q’il sa leçoun Dist a sa fem_m_e irrousement, Lors moult plus fiere q_ue_ leo_u_n[229] Et plus ardante q_ue_ charbo_u_n La fem_m_e de corous esprent, 8850 Si luy respont p_ar_ maltalent: ‘He, sire, cest accusement Certes, si de vo teste no_u_n, N’ad esté dit d’aucune gent: Sanz cause, dieu le sciet com_m_ent, Vers moy queretz tiele encheso_u_n.’ Et lors deschiet trestoute en plour, Et en plourant fait sa clamour,[230] Maldist trestout son parentée, Maldist le lieu, le temps, le jour, 8860 Maldist trestout le consaillour, Maldist le prestre en son degré, Par qui fuist unques mariée: Si dist, ‘O dieus de magesté, Qui toute chose vois entour, Tu scies com_m_ent il est alé.’ Voir dist, mais par soubtilité Ensi s’escuse en sa folour. Sicom_m_e la hupe en resemblant, Qui fait maint fals pito_us_ sembla_n_t, Qua_n_t om vouldra sercher son ny, 8871 Si plourt la fem_m_e en suspirant; Mais ja ly cuers n’est enpirant, Combien que l’oill se moustre ensi. Mais p_ar_ ce veint son fol mari, Q’au fin tout piteus et marri La baise et vait mercy criant Pour sa peas faire ovesq_ue_ luy; Si dist qu’il jam_m_ais pour nully Serra jalous de lors avant. 8880 Ensi ert chastié ly sire Q’ad cuer plus suple q_ue_ la cire, Le quel la fem_m_e pliera Toutdis apres qant le desire. Et lors ne chalt qui le remire, Ainçois vergoigne ensi p_er_dra, Et ensi baude deviendra, Que puis ne doubte qui viendra Soutz sa chemise pour escrire La carte que tesmoignera 8890 Q’Avoulterie y demourra, Quant n’est qui l’ose contredire. Sur toutes files de Luxure Se tient yceste plus segure En ses folies demenant; Car s’elle engrosse a la ceinture, Bien sciet au tiele forsfaiture[231] N’est pas a sercher son garant;