En l’ordre q’est possessou_n_er Incest, qua_n_t il est officer Et vait les rentes resceivant, Pour sa luxure demener Despent et don_n_e maint denier, Dont a ses Abbes n’est comptant. Mais plus me vois esm_er_veillant Du povre frere mendiant, 9140 U ad du quoy pourra don_n_er Si largement, q’il tout avant, Q’irroit au pié son pain querant, De halt Incest doit chivauchier. D’Incest del ordre as mendiantz Je loo que tous jalous amantz Pensent leur fem_m_es a defendre: Ly confessour, ly limitantz, Chascun de s’aquointance ad tant Pour confesser et pour aprendre, 9150 Que ce leur fait eslire et prendre Tout la plus belle et la plus tendre,[239] Car d’autre ne sont desirantz. Itiel Incest maint fils engendre Dessur la femeline gendre, Dont autre est piere a les enfantz. Incest est fole de Nonneine, Celle est espouse au dieu demeine, Mais trop devient sa char salvage Qant son corps a luxure meine, 9160 Quel jour que soit de la semeine, Dont corrumpt le dieu mariage: Et d’autre part trop est volage Ly fols lecchiers qui fait folage Du matrimoine si halteine; Car plus d’assetz cil fait oultrage Qui dieu espouse desparage, Que cil qui fait de sa p_ro_cheine. Incest auci fait son office Qant une bon_n_e dame entice 9170 La quelle ad chasteté voué, Mais de sa char devient si nice Que de luxure fait le vice, Dont elle enfreint sa chasteté: Nientmeinz ycelle niceté Nous veons sovent esprové. Ne sai si dieus en fait justice[240] Apres la mort, car le decré De ceste vie a tieu pecché Despense bien pour l’avarice. 9180 Incest encore est d’autre chiere Entre la gent fole et lecchiere, Quant s’assemblont les p_ar_entés, C’est assavoir file ove son piere,[241] Ou autrement filz ove sa miere, Ou frere au soer s’est acouplez. Incest les ad trop encharnez, Qant sont d’un sanc et d’un char nez, Q’ensi mesfont de leur charniere; Puisq’autres fem_m_es sont assetz, 9190 Trop sont du freleté quassez Cils qui pecchont de tieu maniere. =Ore dirra de la quinte file de Luxure, quelle ad no_u_n Foldelit.=