N’est pas failli en n_ost_re temps D’ice pecché la mescheance: En chascun jour de cell offens, Si dieus n’en mette le defens, Doubter poons de la vengance. 9060 En la Cité Gabaonite Dieus pour la fem_m_e du Levite, Qe l’en pourgue au force avoit, Fist que la gent en fuist maldite[237] Et en bataille desconfite, Destruite et morte en tiel endroit Qe nuls au paine y remanoit. C’est ly pecchés que Job nomoit Le fieu gastant qui riens respite, Ainz tout devoure et tout enboit 9070 Le bien del alme, quelq_ue_ soit, Sanz laisser chose qui p_ro_ufite. Pour ce l’en doit bien redoubter Le matrimoine a violer; Car c’est le sacrement de dieu, Q’en paradis tout au primer Il mesmes le fist confermer Et consecrer de sa vertu; Dont puis l’avienement J_hes_u Du sainte eglise est maintenu 9080 Ly sacrement de l’espouser. Par quoy trop serra confondu Qui l’espousaille ad corrumpu, S’il grace n’ait de l’amender. =Ore dirra de la quarte file de Luxure, quelle ad no_u_n Incest.= Dame Incest est la quarte file, Q’au leccherie tout s’affile, Si ad les p_re_stres retenus Pour bordeller aval la vile: Incest auci tous ceux avile Qui les saintz ordres ont rescuz, 9090 Ou soit ce moigne ou soit reclus, Ou frere ou nonne, tout conclus Les tient Incest sans loy civile: Car deinz sa court jam_m_ais en us N’iert mariage meinz ou plus Des ceaux qui sont de sa famile. O come fait orde tricherie Incest entour la p_re_lacie, Pour refuser sa sainte eglise, Q’est pure et nette en sa partie! 9100 Mais cil q’en fait la departie[238] Serroit bien digne de juise. Molt fait cil prelat fole enprise, Q’ad si tresbon_n_e espouse prise, Qant l’ad sa droite foy plevie, S’il puis avoec puteine gise: [Sidenote: =f. 53=] Itiel eschange est mal assisse Et trop hontouse a sa clergie. Incest du prestre portant cure Trop p_er_est orde sa luxure 9110 Endroit du loy judiciale, Quant il par sa mesaventure, Par l’orde pecché de nature, Corrumpt la file espiritale, Q’est p_ro_pre sa parochiale, Dessoutz sa guarde pastourale, Dont l’alme tient a sa tenure: D’un tiel pasto_ur_ la cure est male, Q’ensi destreint sa p_ro_pre aignale, Et la devoure en sa pasture. 9120 Incest moignal n’est pas benoit Selonc la reule saint Benoit, Car ja n’en garde l’observance. Concupiscence luy déçoit, Qe point n’en chalt, u q_ue_ ce soit, Ainz met trestout en oubliance, Et la vigile et la penance, Ove tout celle autre circumstance Qu’il de son ordre faire doit; Siq’au darrein de s’inconstance 9130 Et du pecché continuance Incest apostazer l’en voit.