La fem_m_e qui p_ar_ tiel endroit 9350 Les gens sur luy fait assoter? Des tantes almes qui deçoit Elle ert coupablez au bon droit Devant dieu, car par reguarder La volenté vient de toucher, Que valt atant deinz son penser Com_m_e s’il ust fait tout a l’esploit Le pecché; et ce puiss trover En l’evangile tesmoigner, Sicom_m_e dieu mesmes le disoit. 9360 Mais si la fem_m_e mette cure En foldelit, d’asses plus cure Cil hom_m_e qui p_ar_ tout s’avance, Et fait desguiser sa vesture, Et ad bien basse la ceinture, Et sur tout ce carolle et dance Ove bien jolye contienance: D’amo_ur_s est toute sa parlance, Et ensi p_ar_ tiele envoisure P_re_nt d’une et d’autre l’aqueintance; Car tant est plain de variance 9371 Q’il quiert novelle a chescune hure. Du foldelit tout se convoie, Qant doit venir par celle voie U q_ue_ verra les dam_m_oiselles; Ne puet faillir, maisq’il les voie, Que par delit son cuer n’esfroie, Tant est suspris d’amo_ur_ de celles. Ne chalt si dames ou pucelles, No_u_npas les bon_n_es mais les belles, 9380 Des quelles poet avoir sa proie; Siq’il sovent deinz les ridelles Les taste si soient fem_m_elles, C’est un solas dont se rejoye. De nulle chose guarde prent Cil qui du foldelit esprent, Un soul estat ja n’esparnie; Ou soit Religiouse gent, Ou mariez ou continent, Ou sage ou pleine de folie, 9390 Ou soit virgine ou desflourie, Ou soit parente, pour se mie Ne voet laisser ce qu’il enp_re_nt; Ne sciet q’amour plus signefie, Mais toutes fem_m_es sont amye Dont puet complir son foltalent. En chascun lieu, ou q_ue_ ce soit, Quiconq_ue_ parle ou parler doit Du bien, d’onour, d’oneste vie, Ly fols amantz a son endroit 9400 Trestout le conte tourneroit En autres ditz de leccherie: Et qui voet faire compaignie Au Foldelit par janglerie, Par quoy son gré deserviroit, Ja n’estoet autre courtoisie Mais tout parler de puterie, Dont plus son cuer rejoyeroit. Mais qant au fin po_ur_ son mesfaire Serra somons de s’ordinaire, 9410 Et est soutz peine amonestez Pour soy de son pecché retraire, Si fra, ce dist; mais qant repaire U sont ses foles ameistés, Tant plus assote en ses pensés Com_m_e plus d’amour soit travailez, Dont fait après folie maire; Combien qu’il soit escoumengez, Ses foldelitz recom_m_encez Ne lerra pour le saintuaire. 9420 Mais Foldelit, qant avenir Ne poet a faire son desir De celle u q’ad son cuer assis, Du fol amour l’estoet languir, Ne puet manger, ne puet dormir, En plour tout changera ses ris, Com_m_e s’il estoit du tout ravis; Lors fait les notes et les ditz, Si fait ove ce maint fol suspir,