Dont a sa dame soit avis 9430 Q’il de s’amour soit tant suspris, Qe sanz retour l’estoet morir. Mais si tout ce ne poet valoir Au fin qu’il pourra son voloir Parfaire, lors du meintenant Il offre a don_n_er son avoir; Et s’il par ce ne puet avoir De son amour le remenant, Encore quiert il plus avant La Maquerelle, q’est sachant 9440 Plus que ly deable a tiel devoir; Et si luy vait trestout contant, La quelle luy vait p_ro_mettant, Du quoy s’est mis en bon espoir. L’en dist ensi par envoisure, Ce que polain prent en danture Toute sa vie apres dura; Ensi du jofne fem_m_e endure En sa vielesce la luxure Que de s’enfance acoustuma; 9450 Du foldelit tant com_m_e pourra La jofne se delitera Sanz point, sanz reule et sanz mesure, Et qant n’est qui la requerra Pour sa vielesce, lors serra La Maquerelle de nature. Et ensi qant au rigolage Pour la fieblesce du viel age Ne peut souffire p_ro_prement, De lors sustient par son brocage 9460 La jofne gent en leur putage Par son malvois excitement: Car l’art du Maquerelle aprent, Par quoy des gens reporte et p_re_nt Du leccherie leur message; Q’encore elle ad delitement Pour traiter a tiel parlement, Dont rejoÿt son fol corage. Ce veons bien q_ue_ de nature, Quant jofne busche de verdure 9470 Ne puet ardoir primerement, Om met du sech, et par sufflure Tantost s’esprent tout en ardure, Et l’un et l’autre ensemblement. Ensi vait de la jofne gent; Qant ne s’acordont a l’assent Du Foldelit, lors deinz brief hure La Maquerelle les esprent De son malvois enticement, Et les enflam_m_e de luxure. 9480 Sicom_m_e l’en voit q_ue_ les veisines Vendont au marché lo_ur_ gelines, Tout tielement vent et bargeine La Maquerelle les virgines, Et les fait estre concubines Au fol lecchour qui les asseine Et don_n_e la primere estreine; Et si les fiert de celle veine, [Sidenote: =f. 55=] Q’apres des nulles medicines Serra guarie. O quelle peine 9490 Om deust don_n_er a la vileine Que ce p_ro_cure ove ses falsines! Et tiele y a q’en sa vielesce Devient d’amour la sorceresse; Dont, qant ne puet p_ar_ autre voie, Les cuers d’amer met en destresce: Mais pl_us_ q_ue_ deable elle est deblesce, Quant foldelit ensi convoie; Et qui p_ar_ tiele se pourvoie De l’amour dieu loign se desvoie; 9500 Car il au primes se professe Au deable, et puis son dieu renoie: Vei la tresdolorouse joye, Q’ensi laist dieu pour la duesse! Du Foldelit auci se pleint Nature, au quelle meinte et meint Se sont forsfait de leur folie, Quant leur luxures out enpeint Com_m_e jadys firont ly no_u_nseint[247]