Greigno_ur_ penance q_ue_ Vergoigne; Qu’elle en secré sanz autre essoigne Trestout le cuer fait esmovoir 11970 Si fort que de la removoir Ne il ne autre ad le pooir, Ainz siet plus p_re_s q_ue_ haire au moigne;[316] Car deinz le cuer fait l’estovoir De honte et doel matin et soir, Dont ses pensers martelle et coigne. De son p_ar_able en essamplant Ly sages ce nous vait disant, ‘Devant grisile fouldre vait; Et ensi grace vait devant 11980 Vergoigne com_m_e son entendant, Dont gracious en sont ly fait.’[317] Car grace est toutdis en agait Contre tous mals, dont se retrait Vergoigne, qant voit app_ar_ant Temptacio_u_n d’ascun forsfait: Par reso_u_n ne serra desfait Cil q’ad conduit tant sufficant. A Thimotheu l’apostre escrit, Par son consail et son excit 11990 Qe fem_m_e se doit aourner Honestement de son habit, Maisq’a Vergoigne soit soubgit, Qe fait les dames saulf garder. Ce dist ly sage p_ro_verbier: ‘La grace q’est en vergonder Valt sur trestout fin orr eslit’: Car son office et son mestier Maintient et gart sanz rep_ro_ver Le corps ovesques l’espirit. 12000 De la Vergoigne estoit garni Saint Job, qant il disoit ensi, ‘Ce dont jadys me vergondoie Est avenu, la dieu mercy.’ David le saint p_ro_phete auci Dist q_ue_ tous jours enmy sa voie Vergoigne encontre luy rebroie, Que luy tollist la veine joye D’orguil, qui l’avoit assailly. Dont vergonder tresbien me doie, 12010 Depuisq’en ceaux vergoigne voie, Q’au dieu furont p_ro_chein amy. Tout com_m_e toi mesmes fais garnir Par ta Vergoigne d’eschuïr Les vices qui sont a rep_re_ndre, Ensi te falt bien abstenir Del autry honte descovrir; Car cuer honteus doit estre tendre, Et d’autry honte honte prendre; Car s’autry mal porrez entendre, 12020 Du quoy sa honte doit venir, Celer le dois et bien defendre: Ce puiss tu bien d’essample ap_re_ndre, Com_m_e deinz la bible hom puet oïr. L’un fils Noë, qui Cham ot no_u_n, Qui puis en ot la maleiço_u_n,[318] Les secretz membres de son piere La qu’il gisoit en yv_er_eiso_u_n Moustroit par sa desrisio_u_n A Sem et a Japhet son frere; 12030 Mais cils p_ar_ vergondouse chere En to_ur_nant leur visage arere[319] Doleront de la visio_u_n; Si luy coev_er_ont la part derere, Qe vilainie n’y appere, Dont puis avoient beneiço_u_n. Si la vergoigne est necessaire Au fin que tu ne dois mesfaire, Ce n’est Vergoigne nequedent, Qant pour la gent te fais retraire, 12040 Siq_ue_ tu n’oses le bien faire Pour dieu plesance ap_er_tement: De ce nous mostra plainement Judith, quelle au consailement De Vago le fel deputaire