Encontre l’orguil d’Avantance, Que maint p_ro_dhom_m_e desava_n_ce, Naist une file d’umble endroit, La quelle guart sanz fole errance Del huiss du ferme circumstance Sa bouche, com_m_e David disoit; Ses liev_er_es clot, q’il n’en forsvoit. Vergoigne ad no_u_n: bien se po_ur_voit Q’en dit n’en fait n’en contenance 11901 Se vante, ainz taist com_m_e faire doit; Et s’aucuns priser luy voldroit, Pour ce ne fait greigneur p_ar_lance. Vergoigne ad une damoiselle, Hontouse ad no_u_n, molt p_er_est belle, Et molt se sont entresemblable: Mais Honte pour descrire est celle, Qe ja si faulse n’est querelle, S’om la surmet q’elle est coupable, Tantost sa chere en est muable;[314] 11911 Mais Vergoigne ad la chere estable, Si du falsine l’en l’appelle, Qant voit bien q_ue_ ce n’est q_ue_ fable, Mais si la culpe est veritable, Tantost ly change la maisselle. Molt est Vergoigne simple et coye, Car toutdis d’umble cuer se ploie, Siq_ue_ jam_m_ais en orguil monte Pour l’onour q_ue_ le siecle envoie: 11920 Jam_m_ais du bouche se desploie Pour soy vanter en nul acompte, Ainz ad le cuer si plain de honte, Qe s’aucun autre le raconte, Toute sa chere tourne en voie: Del pris du siecle se desmonte, Dont voelt q_ue_ l’alme se remonte En honour et p_ar_faite joye. Qui du Vergoigne est vertuous, Ensi tout soul com_m_e devant tous 11930 Eschuie en soy trestoute vice; Car du penser q’est vicious Com_m_ence a estre vergoignous, Com_m_e cil qui ses mals ap_er_tice. Car qant Vergoigne est en l’office De l’alme, et q_ue_ pecché l’entice, Tantost, com_m_e fem_m_e a son espous, S’escrie et prie la justice De dieu, au fin q’il l’en guarise[315] Des mals qui sont si perilous. 11940 Car la Vergoigne dont parole N’est par norrie de l’escole, Sicom_m_e l’en fait com_m_unement, Quant om rougist la face sole Pour truffes ou pour la p_ar_ole Q’ascuns luy dist devant la gent: Mais Vergoigne est tout autreme_n_t; Car deinz le cuer fait argument, Qant l’om_m_e pense chose fole, D’oneste reso_u_n le reprent, 11950 Si dist q_ue_ dieus voit clierement [Sidenote: =f. 68=] Tout le secret dont il affole. Et nepourqant ce dist le sage, Qe cil qui rougist le visage Par vergonder de sa folour, C’est un bon signe du corage; Car quiq’il soit, il crient hontage, Dont meulx doit garder son hono_ur_. Car ce distront nostre ancessour, ‘Honte est ly droit chief de valour, 11960 Que soit en toute vassellage’: Dont gart le corps sanz deshono_ur_, Et fait q_ue_ l’alme est conquerrour Du ciel, u toute orguil destage. Ly philosophre ce tesmoigne, Qe nul vivant, en sa busoigne Qant ad mesfait, porroit avoir