Encontre Hange la p_er_verse Dame Pacience la converse Ad une fille de beal age, La quelle deinz bon cuer conv_er_se; Du quoy malice ou chose adv_er_se Ne laist entrer en son corage, Ainz tient du fin amour l’estage: Dont Ire, qui les cuers destage, 13520 D’ascun corous jam_m_ais la p_er_ce. Molt est benigne celle ymage, Car a nul hom_m_e quiert dam_m_age Plus q_ue_ l’enfant qui gist en berce.[362] A son primer original Reso_u_n par no_u_n especial Iceste file fist nom_m_er Dileccio_u_n, q’espirital En ceste vie bien pour mal Fait rendre sanz soy revenger: 13530 Car son amour tout au primer Vers dieu, q’om doit sur tout amer, P_er_est si ferme et cordial, Qe creature en nul mestier Ne puet haïr, qant le penser Luy vient de dieu celestial. Saint Augustin fait deviser Qe trois man_er_es sont d’amer; Dont le primer no_us_ est dessus, C’est env_er_s dieu au com_m_encer; 13540 Et l’autre presde nous estier Chascune jour veons al huss, Ce sont no p_ro_esme; et oultre plus Du tiers amour sumes tenus Nous mesmes en amour garder, Que corps et alme en ait salutz:[363] Cil q’ad ces trois bien retenuz De droit amour se puet vanter. Saint Augustin ly g_ra_nt docto_ur_ Dist a soy mesmes, ‘Grant erro_ur_ Et g_ra_nt folie j’en ferroie,[364] 13551 Si je mon dieu, mon creato_ur_, Sur tout le terrien honour N’amasse; car a ce que soie Et vive, qant je nient estoie, Une alme me don_n_a, q’est moye, Qe chascun membre en sa vigo_ur_ Sustient et mes cink sens emploie, Des queux je sente, ascoulte et voie, Odoure et parle chascun jour. 13560 ‘Et q_ue_ je vive ordeinement, Si m’ad don_n_é dieus ensement Savoir de l’alme reson_n_able, Siq_ue_ par ce le bien m’aprent; Car qant nature en soi mesp_re_nt, Tantost reso_u_n la tient coupable: Mais autre chose meulx vailable M’ad dieus don_n_é, q’est merciable, C’est le bien vivre a son talent; Dont de sa grace p_er_manable 13570 Puis me fait vivre p_er_durable En joye p_er_durablement.’ Ore ay je dit com_m_ent au fin L’en doit tenir l’amour divin, Et puis falt regarder avant Com_m_e l’autre amour soit bon et fin, Le quel devons a no voisin; Sicom_m_e l’apostre vait disant, Qui dist q_ue_ tout ly bien vivant N’ont q’un soul chief, dont sont tena_n_t, 13580 C’est Crist, dont sont nom_m_é cristin, Et sont com_m_e membre app_ar_tiena_n_t Au chief, dont reso_u_n le com_m_ant Qe d’un amour soient enclin. Si com_m_e l’un membre s’associe A l’autre, et fait tout son aïe, Ensi nous devons a toute hure Sanz ire et sanz malencolie Porter amour et compaignie Chascun vers autre en sa mesure.