Pour merite acquere et loer A chascun fin meulx est vaillant: Pour ce se doit om aviser, Qant voet bon oev_er_e com_m_encer, Q’il soit jusq’en la fin constant. 14400 =Ore dirra de la quarte file de P_ro_uesce, la quelle ad no_u_n Sollicitude, qui est contraire au vice de Oedivesce.= [Sidenote: =f. 81=] La quarte file de Prouesce Solicitude hiet Oedivesce, Car celle n’ert jam_m_ais oedive: Ou du penseie bien impresse, Ou du parole bien expresse, Ou du bien faire elle ert active; Toutdis labourt, toutdis estrive, Et quiert le bien dont l’alme vive, Et dont le corps en sa destresce Ait sa viande sustentive: 14410 Ne l’un ne l’autre point ne prive Par trop pov_er_te ou trop richesce. Thobie a dieu devoutement Pria molt reson_n_ablement, Qe du richesce l’abondance Ne du poverte le tourment Ne luy dorroit, ainz soulement Sa necessaire sustienance: Car par si mesurée balance L’alme en son point ne desavance, N’au corps tolt le sustienement; 14421 Ensemble quiert lour po_ur_voiance, Ne plus ne meinz mais sufficance Pour faire a dieu ce q’il appent. Mais sur trestout je truis escrit Q’au main oiseuse soit desdit Le pain, q_ue_ point n’en mangera: Auci qant dieus ot entredit Au primer hom_m_e et contredit Son p_ar_adis, lors com_m_anda 14430 Q’au labourer en terre irra Et en suour pourchacera Le pain, dont chascun hom_m_e vit: Dont m’est avis, cil qui serra Solicitous molt luy valdra, Car corps et alme en ont p_ro_ufit.[387] A chascun hom_m_e droiturer Les labours de ses mains mang_er_ David en son psalter enhorte: Auci l’en dist en essampler 14440 Qe dieus tous biens fait envoier, Mais p_ar_ les corns le boef n’apporte: Helie, qui se desconforte, Combien q_ue_ l’angel le conforte Disant qu’il devoit pain gouster, Ove ce nientmeinz labo_ur_ reporte De la journeie longe et forte Que dieus luy fist depuis aler. Pour ce nous disoit en ses vers Pamphilius ly sages clercs, 14450 Qe joyntement dieus et labour Nous apportont les biens divers: Car sanz labour, soiez tout certz, Ne puet om faire ascun bon tour, N’a siecle n’a son creatour: Noz mains nous serront labouro_ur_, Car pour ce sont al corps adhers, Q’ils devont faire au corps socour; Et noz cuers serront nuyt et jour Tantsoulement a dieu convers. 14460 D’umeine vie qui sovient Sciet bien q’au labourer covient Le fieble corps pour sustenir; Et l’alme ne vit pas du nient, Grant peine et labour y p_ar_tient, Q’en son droit point la voet cherir. Pour ce le corps a maintenir Ascuns s’en vont les champs tenir, De qui labour le pain nous vient;