Ascuns sont clercs et ont desir 14470 Pour faire tout le dieu plesir, Dont l’alme en bon estat devient. Ove ceste vertu dieus dispense, La quelle paie la despense Al alme et corps, sicom_m_e doit faire. C’est la vertu que p_ro_vidence Retient, si prent bon_n_e evidence De la formie en son affaire; Quar qant le jour d’estée s’esclaire, Lors fait sa pourvoiance attraire, 14480 Dont puis, qant froid d’yver com_m_e_n_ce, A sa cuillette en saulf repaire, Et vit par ese en son doaire; Mais l’om_m_e oedif de ce ne pense. Mais qui par covoiter d’avoir Solicitude voet avoir, N’est pas honeste tiele enprise; Car q’ensi fait son estovoir, Il fait la vertu removoir Loigns en pecché du covoitise: 14490 Mais qui le prent p_ar_ bon_n_e guise, Solicitude a chascun lise Du providence a recevoir Ce dont puet vivre en sa f_ra_nchise; Car si ma chose me souffise, De tant porrai le meulx valoir. Je lis q’en terre n_ost_re sire Pour ses despenses a voir dire Ot soufficance de monoie; Mendicité ne volt eslire 14500 Ne la richesce tout despire, Ainçois tenoit la meene voie: Pour ce bon est q’om se po_ur_voie; Car si dieu tous les biens envoie, Et volt en terre ensi confire Sa pourvoiance, lors serroie Trop a blamer si ne querroie Ce qui me doit p_ar_ droit souffire. De les apostres qui lirra, Parmy leur actes trovera, 14510 Combien q’ils p_ro_preté n’avoiont, Poverte nulle les greva; Ainçois des biens q’om leur don_n_a Au sufficance ils habondoiont: Mais pain oiseus point ne ma_n_goiont, Car ou labour des mains fesoiont, Ou sicom_m_e dieus leur com_m_anda Precher la droite foy aloiont; Siq’en tous lieus u q’ils venoiont De leur labour dieus s’agrea. 14520 Joseph par la vertu divine Trois a_u_ns devant vist la famine, Dont maint paiis puis fuist grevé; Mais il, ainçois que la ruine En vint, de nuyt et jour ne fine,[388] Par g_ra_nt labour tanq_ue_ amassé Avoit des bledz, dont la contrée D’Egipte en la necessité Fuist salve soubz sa discipline, Si fuist trestout son parentée: 14530 Sa p_ro_vidence en fuist loé,[389] Par quoy troveront medicine. A luy q’est droit solicitous, Covient q’il soit laborious En deux pointz: le prim_er_ serra Labour du cuer bien gracious, Sovent contrit et dolerous De ses pecchés; et puis cela Autre labour luy coviendra, Dont il au corps pourchacera 14540 Ce q’est po_ur_ l’omme busoignous No_u_n soul pour soy, ainz il le fra Pour son voisin ce qu’il porra, Car tiel labour est vertuous. Solicitude la guarnie Primer labourt, si quiert et prie[390] Le regne dieu celestiel,