Tempter, tantost du sapience La sainte clocke il son_n_era, Siq_ue_ Reso_u_n soy guarnira Et des prieres s’armera, L’espeie ou main de penitence, Dont par vertu defendera Du pecché s’alme et guardera Par la divine p_ro_vidence. 14760 Uns g_ra_ns clercs q’ot no_u_n Dionis Reconte que par son avis L’alme est semblablez au mirour, Que de nature en soy compris Reçoit ce q’est devant luy mis Et en semblance et en colour: Cil q’est de tous les mals aucto_ur_, C’est ly malfié, ly tricheour, Pardevant l’alme en tiel devis Se t_ra_nsfigure nuyt et jour, 14770 Dont il meulx quide en sa folo_ur_ L’alme en serra plus entrepris.[403] Car sicom_m_e del oill la prunelle, Ou soit ce chose laide ou belle, Qe passe p_ar_devant sa voie, Malgré le soen de sa casselle La fourme et la semblance d’elle Ne puet guenchir, maisq_ue_ la voie, Ne l’alme auci, malgré q’il doie, L’ymaginer q’au cuer convoie 14780 [Sidenote: =f. 83=] Au primer point de la querelle N’el puet du tout hoster envoie; Mais lors luy falt p_our_ sa manoie Q’au dieu bien sagement appelle. Ou soit veillant ou soit dorma_n_t, Toutdis ly deable est compassant Pour l’alme faire forsvoier; Mais lors vait il trop soubtilant, Qant l’om_m_e tempte en son pensa_n_t Ascun tiel oev_er_e ymaginer 14790 Que semble bon au com_m_encer, Mais bien sciet cil fals adv_er_ser, Le fin en serra deceivant.[404] Par si tressoubtil enginer Ad fait maint homme tresbucher, Q’assetz quide estre ferm estant. Pour ce l’apostre nous defent De croire ensi legierement, Combien q’il ait du bien sembla_n_ce, A tout espirit: car tieux ment, 14800 Qui l’en quide au com_m_enceme_n_t Estre verray en apparance. Mais ly sage hom_m_e en gov_er_nance, Ainz q’il deschiece en ignorance Qant a ce point, molt sageme_n_t Consail demande et sa vuillance Reconte et met en l’ordinance Du prestre par confessement. Si chose vient en ta pensée, Ainz q_ue_ le fait soit com_m_encé, 14810 Fai ce q_ue_ Salomon t’enseigne, C’est q_ue_ tu soiez consaillé: Car fait du consail apprové Du repentir ne porte enseigne; Et si d’ascun mal ov_er_eigne Soyez coupable, toy remeine Au bon consail, dont reparée Soit le mesfait; et q_ue_ la peine Ap_re_s ta mort ne soit greveine, Un confessour te soit privée. 14820 Saint Job endroit de sa p_ar_tie Dist, ‘Tant est fieble humaine vie, Q’au paine en bien se puet tenir’: Car pecché, qui la char desfie, La fait tant frele et mal norrie Qe sovent change son desir; Dont trop porroit mesavenir, Si voie n’eust a revenir Du vray Science, que la guye Par confess et par repentir: 14830